2 Timoti 1:5 - Bhiblia Yo Sawuleka

⁵ Na khumbula likholo lo mbi kanganyisa li ku kwako, i ku likholo limwelo ni li li nga ti ni kokwani wako Loyidhe ni mame wako Eunise, ali ni thembako ti to li ho kwako nawe.

2 Timoti 1:5 Referans Kwoze

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

Mithumo 16:1

Paulo a to hoka Dherbhe ni Listra. A ti ti ho koneyo mgondiswa wu a nga ti dhanwa ku i Timoti, mame wakwe i ti Mujudha wu a nga ti hundulukile e maha dikholwa, tate wakwe i ti Mugriki.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Varoma 15:14

I di ani, vanathu, na themba ti to na nanu mi tate ngu wunene, ni ti to mi na ni wuzivi wotshe, awu mi dinganako kulayana ngu wona.

Vahebheru 6:9

Kambe i di athu, vo randeka ngutu, hambi hi txi wombisa eto, ha themba ngu kutsana ti to mi ka didhawa da dinene, adi da kuhanyiswa.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

2 Vakorinto 6:6

ni mu kubasani ka mbilu, ngu kuziva, ngu kutimisela, ngu ka wunene, ngu ka Moya wo Sawuleka, ngu lirando lo mbi kanganyisa,

Varoma 8:38

Nguko na themba ti to hambi lifo, hambi wutomi, hambi tingelozi, hambi mifumo, hambi timbimo ta nyamsi, hambi timbimo ti titako, hambi wukoma,

Varoma 4:21

a txi kholwa ta tinene ti to awu a nga mthembisa a ni mtamo wa ku ti maha;

Masalmo 116:16

Mkoma, ani ni txithumi txako; ni txithumi txi i ku mwanana wa txithumi txako txa wamsikati! Ni ponise ka majoke a lifo.

Masalmo 86:16

Ni wone, u txi ni pfela wusiwana; ni he mtamo wako, u txi ta u ta ni lamulela; ani ni txithumi txako kufana ni mame i nga ti txithumi txako.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

Varoma 14:5

Mmwani a pimisa ti to ditshiku da hambana ni dimwani ditshiku, kasi mmwani a pimisa ti to otshe masiku ma fana. Mmwani ni mmwani, a na mahe nga ti a kholwisako tona mbiluni kwakwe.

Mithumo 26:26

Hakunene, mfumeli wu a ni tsanisako ni txi womba-womba masoni kwako, wa tiziva totshe tiya, txi walo ni txa tximwetxo a txi timelelako, nguko kha ta mahwa kusisalani.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Masalmo 81:15

Ava va nyenyako Mkoma, va ndi na wiswa hahatshi masoni kwakwe ku abaniswa kwawe ku ndi nava ka malembe ni malembe.

Masalmo 77:6

Ni wotshe wusiku na pimisela mbiluni kwangu; mbiluni kwangu na alakanyela, ni txi ti wotisa ani nipune, ni txi khani:

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 22:10

Ni sanzi kuvelekwa, awe u ni xayisile; kukhukhela mndani ka mama, awe u Txizimu txangu.

Masalmo 18:44

Ngu kupfa dipswi dangu, va na ni engisa; Vamatiko va na khoza kwangu.

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,