2 Timoti 1:1 - Bhiblia Yo Sawuleka

¹ Ani Paulo, mpostoli wa Jesu Kristu, ngu kuranda ka Txizimu, madingano ni txithembiso txa wutomi wu, wu ku ka Kristu Jesu,

2 Timoti 1:1 Referans Kwoze

Vahebheru 9:15

Ngu toneto, Ene i muemeli wa txitumelelano txa txiphya. Kufa kwakwe ku mahekile, kasi ku sionho si txi basiswa si si nga nga mahwa ka mbimo ya txitumelelano txo khata; se avale va nga dhanwa, va amukela thomba yo mbi guma, ayi va nga thembiswa.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

2 Vakorinto 1:1

Ani Paulo, Mpostoli wa Jesu Kristu, ngu kuranda ka Txizimu, kumweko ni mwanathu Timoti, ha losa Dibanza da Txizimu di di ku Korinto, ni votshe vasawuleki va manekako ditikoni kotshe ka Akaya.

Johani 10:28

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

1 Johani 2:25

Txithembiso txi a nga hi mahela ngu txiya: Wutomi wo mbi guma.

1 Timoti 6:19

Va txi mahisa eto, va na va va txi ti vekela txuma txo tshura, txo tsana, txa mbimo yi yi tako, kasiku ve mana wutomi wa ditshuri.

2 Vakorinto 1:20

Nguko, sotshe sithembiso sa Txizimu, si mani “Ina” wa sona kwakwe Jesu Kristu. Ngu toneto, hi pfalisako Txizimu ngu ngene hi txi “Amen.”

1 Vakorinto 1:1

Paulo, awu a nga sawulwa ngu kuranda ka Txizimu, ti to e maha Mpostoli wa Jesu Kristu, ni mwanathu Sostene,

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 5:21

ti to ngako kuonha ku nga fuma ngu lifo, kateko ni yona yi fanela kufuma ngu kululama ku ku yisako ka wutomi wo mbi guma, ngu Jesu Kristu Mkoma Wathu.

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Johani 6:54

Awu a dyako mmidi wangu ni kusela mnoha wangu, ana ni wutomi wo mbi guma, se ani ni na mu wusa ka ditshiku da magwito.

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

2 Timoti 1:10

Kateko yiya yi ti kombisile konkuwa ngu kuwoneka ka Muhanyisi wathu Jesu Kristu, ene wuwa a nga fuvisa lifo, e tisa wutomi ni kuhanya ko mbi guma, asi si nga ti humelelisa kubasani ngu mtamo wa Evhangeli.

2 Timoti 1:13

Londetela mapswi amanene, aawa u nga ma engisa kwangu, ngu likholo ni lirando li li ku ka Kristu Jesu.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

2 Timoti 2:3

Nawe, xaniseka kumweko ni nani, nga disotxhwa da dinene da Jesu Kristu.

2 Timoti 2:10

Ngu konaho ni timiselako ka totshe, ngu mhaka ya vasawulwa, kasiku ni vona ve mana kuhanyiswa kuwa kuhumako ngu ka Kristu Jesu, kumweko ni kupfaliswa ko mbi guma.

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Titosi 1:4

ni bhalela Titosi, mwanana wangu wa ditshuri ngu mu ka likholo, li i ku la hotshethu, ni khani: Na ku navelela kateko ni kudikha, asi si tako ngu ka Txizimu ni ka Jesu Kristu Muhanyisi wathu.