2 Samuwele 7:3 - Bhiblia Yo Sawuleka

³ Se Nathani a to khene ka mfumeli: Tsula u ya maha totshe ti ti ku mbiluni kwako, nguko Mkoma a ni nawe.

2 Samuwele 7:3 Referans Kwoze

1 Makronika 22:7

Se Dhavhidha a to khene ka Solomoni: Mwanangu, ni ti ni makungo o akela nyumba ditina da Mkoma, Txizimu txangu.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

2 Vafumeli 4:27

Se mbimo yile a nga hoka koko ka m'thu wa Txizimu mmangoni, a to ñola mikondo yakwe; aniko Gehazi a to tshuketa kuya mthavisa; kambe m'thu wa Txizimu a to khene: Mleke, nguko dihika dakwe di mu ko pandiseka ngu sixaniso, na kuve Mkoma a ni sisete, kha ni komba mhaka yiya.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Masalmo 37:4

Veka ka Mkoma minavelo yako ene a na kuninga kuxuva ka mbilu yako.

Masalmo 20:4

Txona txi na ku ninge asiya mbilu yako yi si navelako txi katekisa otshe makungo ako.

1 Samuwele 10:7

Se ku na maheka taku, mbimo si sikombiso si si no woneka kwako, maha ti u no ti wona i di ta tinene kwako, nguko Txizimu txi ni nawe.

2 Samuwele 7:4

Kambe ku to maheka taku, ka wona wusiku wule, dipswi da Mkoma di txi kha dona ka Nathani:

1 Samuwele 14:7

Sekoko mrwali wa matxhari akwe a to m'gela ku khene: Maha totshe ti ti ku mbiluni kwako; tsimbila kotshe madingano ni mbilu yako, ani ni ni nawe.

1 Vafumeli 1:8

Se Zadhoki, mphaxeli, ni Bhenaya, mwana Joyadha, ni Nathani, mprofeti, ni Simeyi, ni Reyi, ni tindena ti a nga ti nato Dhavhidha, va ti si nga kumweko ni Adhoniya.

1 Makronika 29:29

Mithumo koko ya mfumeli Dhavhidha, yo khata hambi yo gwita, yi bhatwe ka matimu a Samuwele, m'huti, ni ka matimu a mprofeti Nathani, ni ka matimu a Gadhi, m'huti,

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.