2 Samuwele 1:9 - Bhiblia Yo Sawuleka

⁹ Sekoko Sawule a to khene kwangu: Na ku kombela, tshuketa u ta ni daya, nguko ni tate ngu kupandiseka, kambe wotshe wutomi wangu wu ngadi kwangu.

2 Samuwele 1:9 Referans Kwoze

2 Samuwele 1:8

Se Sawule a to khene kwangu: Ngawe mani awe kani? Se ani ni to m'gela ku khani: Ni muamaleki.

2 Samuwele 1:10

Ni to tshuketela kwakwe koko, se ni m'daya, nguko ani ni txi ziva taku kha na mbi hanya msana ka kuwa kwakwe, se ni to teka m'bhoti wule a nga ti nawo ha msungo ni di sinda dile a nga ti nado diwokoni kwawe, ni si tisa hawa ka nyamne wangu.

Valamuli 9:54

Sekoko, kunukunuko a dhana dijaha dile di nga ti ti ñola matxhari akwe, a txi di gela tiya: Teka ditxhari dako u ni hetisa ngu dona, kasi ku ku si wombwi tito: A datwe ngu wamsikati. Se dijaha dile dakwe, di to swomola ditxhari, di txi m'hetisa ngu dona, a txi fa.

1 Samuwele 31:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasiku vanyamakhutu vava va si ti ve ta ni daya ni ku ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

1 Makronika 10:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasi ku vanyamakhutu vava va si ti ve ta ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

Mtuletelo 9:6

Ka oneyo masiku, vathu va na lava lifo, kambe va si li mani; va na navela kufa, kambe lifo li na tutuma li va siya.