2 Samuwele 1:2 - Bhiblia Yo Sawuleka

² Ku to maheka taku, ngu ditshiku da wuraru, ku txi ta wamwamna wokari ngu wugoveloni ka Sawule, a di ambate syambalo so vharukela, a di ti theletete mafu ha msungo; se kumaheka ti to a di hokile ka Dhavhidha, a to ti wisa hahatshi, e khizama.

2 Samuwele 1:2 Referans Kwoze

1 Samuwele 4:12

Sekoko wamwamna wa ka Bhenjamini, a to ta ngu yimbini a txi tutuma, e ta hoka Silo ngu ditshiku donedo, a di ni syambalo so vharukela, ni mafu ha msungo kwakwe.

2 Samuwele 4:10

sekoko ka awule a nga ni tisela mhaka awa, a txi khene: Wona taku Sawule a fite, a txi nga o ni tisela mahungu amanene, koneko ni to guleta dianza dangu ni m'daya kona Zikilage, a txi pimisa to ni na mninga so m'bonga ngu sona,

1 Samuwele 25:23

Mbimo yile koko, Abhigayeli a nga wona Dhavhidha, a to kuluveta e txhika ngu ha ka mbongola, e nanisa khohe yakwe masoni ka Dhavhidha, e khizama.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

2 Samuwele 15:32

Mbimo yile Dhavhidha a nga hoka txitimwi ka mmango kuya khozela Txizimu kona, wona taku Husayi, Muaraki, a tile e ta manana nayo, ni txyambalo txo sawuleka ni mafu ha msungo.

2 Samuwele 14:4

Se wamsikati wa Tekoyi a to womba ka mfumeli, a to khizama e ti wisa hahatshi ngu khohe, a txi khene: Ni hanyise, awe mfumeli.

1 Samuwele 20:41

Se ngako mfana a di tsute, Dhavhidha a to khukha e wonetela didhawa da wulambwe, e ti wisa hahatshi ngu khohe yakwe, e khizama kuraru; kambe va to nyuntana, ve dila votshe, aha koza Dhavhidha e dila ngutu.

1 Samuwele 4:16

Se awule wamwamna a to khene ka Eli: Ani ngani wo ta ngu yimbini, nguko ni tutumile yimbini nyamsi. Se ene a to khene: Ku to maheka to txani kani mwanangu?

Genesisi 43:28

Vona va to xamula va txi kha vona: “Txithumi txako, ene tate wathu, a ngadi ho, ene a ngadi a txi hanya.” Se vona va to nama, va txi mkhizamela.

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

Genesisi 22:4

Ngu ditshiku da wuraru, Abrahamu, a di gute maso, a to wu wona wukhalo wule, a di ngadi kule.

2 Samuwele 1:3

Se Dhavhidha a to khene kwakwe: U ta ngu hani kani? Se ene a to xamula ku khene: Ni to huluka ka dibutho da yimbi da ka Israyeli.

Ezekhiyele 27:30

Va na pfalisa huwa yawe kwako, ve dila ngu kupandiseka ka hombe, ve ti xwayela lithulu ha msungo, se va na pulukuta ha ka dikhuma.

2 Samuwele 13:19

Sekoko Tamara a to ti theletela dikhuma ha msungo, e vharulela txyambalo txa mixowo yayingi txile a nga ti ambate, se rwala mawoko ha msungo, e tsula a txi pekeletela tihuwa.

2 Samuwele 24:20

Se Arawuna a to wona mfumeli ni sithumi sakwe va txi ta kwakwe; Arawuna koko, a to huma hahanze eya khizama masoni ka mfumeli e namisa khohe hahatshi.