2 Pedro 3:9 - Bhiblia Yo Sawuleka

⁹ Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

2 Pedro 3:9 Referans Kwoze

1 Timoti 2:4

a navelako ti to votshe vathu ve mana kuhanyiswa ni kuziva ditshuri.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Mtuletelo 2:21

Ni mu sikete masiku, kasi ku e hunduluka. Aniko ene kha ti lavi kuhunduluka ka wugelegele wakwe.

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

Vahebheru 10:37

Nguko, Mibhalo yi womba tiya: “Ku ngadi sate mbimo ya yidotho, ya yidotho ngutu. Se awule a tako, a na bwaka, kha na mbi swela.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Eksodha 18:23

Ngako u txi ti maha toneto, ni Txizimu txi txi kuruma, u na sikota kutsana; ngu kumaha keto, votshe vathu vava, va na tshumelela mitini kwawe ngu kuthutha.”

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Eksodha 33:11

Mkoma a ti ti womba-womba ni Mosi khohe ni khohe, nga m'thu a txi womba-womba ni mngana wakwe, ngu msana Mosi a ti ti tshumela a txi ya wugoveloni. Joxuwa, mwana Nune, m'vhuneteli wakwe wa dijaha, a ti si khukhi amu ditendani.

Masalmo 77:8

A nga va ene a di lekile ku hi randa kani? A nga va a di lekile txithembiso txakwe ka liveleko ni liveleko kani?

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Dhaniyeli 4:29

Kugumani ka digumi da mtxima ni yimbidi, Nebhukodhonosori a to tsimbila-tsimbila txitimwi ka nyumba ya wukoma ya Bhabhilona,

Varoma 13:11

Mahani totshe tiya, nguko ma yi ziva mbimo yi hi ku ka yona: Se i mbimo yo wuka wukoheni. Konkuwa kuhanyiswa kwathu ku hafuhi ngutu kupinda mbimo yile hi nga amukela ngu yona likholo.

Varoma 13:12

Wusiku wu pindile, kutxa ka tshuketela. He lekeni mithumo ya txidema, he xomeni matxhari a liwoningo.

2 Pedro 1:4

ngu mhaka ya sona, hi mani txyavelo mndani ka sithembiso sa hombe ni sa lisima ngutu, kasi ku nanu mi txi mana txyavelo txa wuzimu, mi txi huluka ka lifo li li nga vangwa ha ditikoni ngu minavelo yo biha.