2 Pedro 3:4 - Bhiblia Yo Sawuleka

⁴ Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”

2 Pedro 3:4 Referans Kwoze

Jeremiya 17:15

Wona, va womba kwangu, va txi kha vona: “Ku hayi koko kudhukisela ka Mkoma kani? Ku na maheke koko ka!”

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Luka 12:45

Aniko, ngako txithumi txile txi txi pimisa mbiluni ka txona, txi txi kha txona: ‘Nyamne wangu wa swela kubwaka’, txi khata kupeketela sithumi sa mazambi ni sa mahorana, txi dya, txi sela, se txi leva,

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Matewu 24:48

Aniko, ngako i di txithumi txo biha, atxiya txi wombako ngu mbilu tito: ‘Nyamne wangu wa swela’,

1 Vatesalonika 2:19

Nguko, i mani mmwani, hahanze kwanu, awu i ku txithembo txathu, litsako lathu, m'bhoti wathu wa kupfaliswa masoni ka Mkoma wathu Jesu, ngu ditshiku da kuta kwakwe, kani?

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Marku 13:19

Nguko ka oneyo masiku ku nava ni sixaniso sa hombe ngutu, saku kukhukhela makhatoni ka ditiko di Txizimu txi ngadi vanga kala konkuwa, kha si khali ku va ho, kambe kha si na mbi nga vaho.

Ekleziyaste 1:9

Atile ti nga ti tiho, ngu toneto ti no vaho; ni tile ti nga mahwa, eto ti na tshumela ti mahwa; nguko kha ku na txa txiphya hahatshi ka ditambo.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Ezekhiyele 11:3

evo va ku kha vona: Kha yi nga hafuhi mbimo ya kuaka tinyumba; didhoropa diya i khadi, se athu hi nyama.

Marku 10:6

Kambe kukhatani Txizimu txi va vangile mwamna ni msikati.

Matewu 24:28

Ahawa ku no va ni txirumbi, sinyana sa makoti ni sona si na ya tshanganela koneho.”

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

2 Pedro 3:12

mi txi rinzela ni kukuluvetisa kuhoka ka ditshiku da Txizimu; ahawa tinzuma ti no hiswa ti txi nyivilika, ni sotshe sivangwa si no nyivilika si txi guma.