2 Pedro 3:11 - Bhiblia Yo Sawuleka

¹¹ Akuwa ku no hya sotshe simaha siya si txi guma, anu mi fanete kuva ni mahanyelo o sawuleka a wukhongeli,

2 Pedro 3:11 Referans Kwoze

1 Pedro 1:15

Aniko, ngako awule a nga mi dhana, i ku msawuleki, na nanu mahani vasawuleki ka yotshe mithumo yanu.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

2 Pedro 3:12

mi txi rinzela ni kukuluvetisa kuhoka ka ditshiku da Txizimu; ahawa tinzuma ti no hiswa ti txi nyivilika, ni sotshe sivangwa si no nyivilika si txi guma.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Vafilipiya 3:20

Aniko athu mwani kwathu ngu nzumani, ahawa hi rinzelako ti to a nata ngu kona muhanyisi Mkoma Jesu Kristu.

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Isaya 14:31

Peka huwa awe txike; kwangula, awe didhoropa; nyunguluka awe ditiko dotshe da Vafilista; nguko ku na huma wutshi ngu Wutxani, ka mbimo ya kona kha ku na mbiva ni wammweyo wo sala ekha.

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

1 Timoti 6:3

Ngako mmwani a txi gondisa to hambana, asi londeteli gondo ya Mkoma wathu Jesu Kristu ni gondo ya wukhongeli,

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

Matewu 8:27

Se vathu va to xamala va txi kha vona: “I m'thu muni wuwa wa ku hambi txihuhuri ni linene si txi mu engisa kani?”

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Jakobe 1:24

a ti wonile, e khukha e tsula, a txi kuluveta e divala ati a nga zumbisa tona.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

1 Vatesalonika 1:5

Nguko, Evhangeli yathu kha ya hoka kwanu ngu mapswi dwe, aniko yi fakazetwe ngu mtamo wa Moya wo Sawuleka, ni mahanyelo o kholwisa. Ma tiziva ti hi nga hanyisa tona ni nanu ngu mhaka ya lirando kwanu.

1 Timoti 6:6

Ina, wukhongeli njisima txa dibhindu ka wu a zivako kutipimela.

Isaya 24:19

Mafu otshe ma na bhandelelwa, otshe ma na abaneka ngu hagari, se otshe mafu ma na zinginika.

2 Pedro 1:6

mi txi tsanisa wuzivi ngu kutipimela, mi txi tsanisa kutipimela, ngu kuhonisela, mi txi tsanisa kuhonisela ngu wukhongeli,

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Masalmo 37:14

Vobiha va swomola ditxhari dawe, ve domba wulaho, kasi kudaya txisiwana ni txikulungu, kasi kudaya avale va londetako nzila ya yinene.

Varoma 13:11

Mahani totshe tiya, nguko ma yi ziva mbimo yi hi ku ka yona: Se i mbimo yo wuka wukoheni. Konkuwa kuhanyiswa kwathu ku hafuhi ngutu kupinda mbimo yile hi nga amukela ngu yona likholo.

Varoma 13:12

Wusiku wu pindile, kutxa ka tshuketela. He lekeni mithumo ya txidema, he xomeni matxhari a liwoningo.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.