2 Pedro 2:9 - Bhiblia Yo Sawuleka

⁹ Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

2 Pedro 2:9 Referans Kwoze

1 Vakorinto 10:13

Kha mi nzi kuhumelelwa ngu txiduko txa kuhambana ni siduko sa vamwani vathu. Txizimu txi thembekile, kha txi na kutumela ti to mi txi dukwa ngu si si ku txitimwi ka mtamo wanu. Aniko, ngako txiduko txi txi mi tela, a na mi ninga nzila ya kupona ka txona, ni mtamo wa ku txi rwala.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

2 Timoti 3:12

Kha ditshuri, votshe va va lavako kuhanya ngu wukhongeli ngu ka Kristu Jesu, va na xaniswa.

2 Pedro 3:7

Kasi nzuma ni mafu sa konakuwa, si veketilwe ngu dona Dipswi, si txi rinzela mndilo, si txi rinzela ditshiku do lamulwa ni da kuloviswa ka vathu va va si khataliko ngu Txizimu.

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Jobe 5:19

Ka mtxhanu wa makhati a kuxaniseka txi na kutxhatxhisa, da wutxhanu ni mambidi wubihi kha wu na mbi kugwesa.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Masalmo 4:3

Ti ziveni taku Mkoma wa maha sidiwukiso ka wule a mrandako, Mkoma wa ni engisa, ngako ni txi kwangula masoni kwakwe.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Jobe 21:30

Taku wo biha a xayiselwa ditshiku da kuhasamulwa, ni kuguletwa ngu ditshiku da txiviti kani?

Masalmo 12:1

Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

Masalmo 37:33

aniko Mkoma kha na mbi mleka a txi wa manzani ka mlala, kambe kha na mbi mleka a txi konwa kulamulwani.

Mavingu 12:13

Mlawu wa muonhi wu ka mapswi o hambana a txisofu txakwe, aniko m'thu wo lulama a na huma kuxanisekani kwakwe.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Matewu 10:15

Kha ditshuri ni khani kwanu: Ngu ditshiku da kulamulwa ditiko da Sodhoma ni da Gomora di nata hehukiselwa kupinda didhoropa donedo.”

Judha 1:6

Se tingelozi ti ti nga mbi veketa wukoma wa tona, aniko ti nga leka wukhalo wa tona, a ti vekile mtemani, ti di sungilwe ngu makhodha o mbi guma, ti verela kulamulwa ka ditshiku da hombe.

1 Samuwele 29:10

Konkuwa koko, Vindukela mangwana ni mixo kumweko ni sithumi sa nyamne wako, sile u nga ta naso; mi di vindukete mangwana ni mixo, na ditambo di txi huma, tsulani.