2 Pedro 2:8 - Bhiblia Yo Sawuleka

⁸ M'thu wuwa wo lulama, ngukuva a txi hanya hagari ka vabihi, a ti ti xaniseka mndani ka mbilu yakwe ya txithavo, ngu mhaka ya wubihi wuwa, ditshiku ni ditshiku, a nga txi wu wona ni ku wu engisa.

2 Pedro 2:8 Referans Kwoze

Masalmo 119:158

Ngako ni txi wona sindaka-milayo, na pandiseka, nguko kha si xayisi mithetho yako.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Mavingu 25:26

M'thu wo lulama a txi xengwa ngu muonhi, a fana ni txiziva txa sivhinju, ni txisima txo sina.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

1 Timoti 1:9

na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

Mavingu 28:12

Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.

Masalmo 119:139

Txiviti txangu txa ni hisa nga mndilo, nguko valala vangu kha va khatali ngu mapswi ako.

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.