2 Pedro 2:3 - Bhiblia Yo Sawuleka

³ Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

2 Pedro 2:3 Referans Kwoze

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

1 Vatesalonika 2:5

Ngu toneto, anu ma tiziva ti to kha hi zivi kuthumisa mapswi o kanganyisa, mwendo mapswi o dyelela. Txizimu i fakazi yathu.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

1 Timoti 3:8

Vadhiyakoni ni vona, kulaveka i di vathu vo xonipheka, i si nga va makuhu, va si ti ningeteliko wusukeni, i si nga vathumeli va mabhindu a tingana,

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Johani 2:16

A txi gela va va xavisako situvani a txi khene: “Thavisani sotshe siya hawa; mi nga tekeni nyumba ya Tate wangu mi yi maha nyumba ya mabhindu.”

Luka 22:47

Ene a di ngadi a txi womba-womba, ku to haruka mtxawa wa vathu, na va txi thangelelwa ngu mmweyo wa va digumi ni vambidi, a dhanwako ku i Judha, a nga ti thangete masoni; ene a to tshuketela Jesu, a txi mu pswopswa.

Luka 20:20

Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Luka 18:8

Na mi gela ti to Txizimu txi na kuluveta ku va lamulela. Kambe mbimo yi a no wuya Mwanana wa M'thu, ina a nata mana likholo ha mafuni, kani?”

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Habhakuki 3:3

Txizimu txi tile ngu Temani, se Msawuleki a tile ngu mmangoni ka Parani. Wudhumo wakwe wu fenengetile nzuma, se mafu ma tate ngu kudhumiswa kwakwe.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Jeremiya 8:10

Ngu konaho ni na ningela vasikati vawe ka vamwani, ni tithembwe tawe ka va va no ti honyola. Nguko votshe va ti ningetete mu ko navela, kukhukhela ka wam'dotho kala ka wa hombe, kukhukhela ka vaprofeti kala ka vaphaxeli, votshe va kanganyisa.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Masalmo 81:15

Ava va nyenyako Mkoma, va ndi na wiswa hahatshi masoni kwakwe ku abaniswa kwawe ku ndi nava ka malembe ni malembe.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 18:44

Ngu kupfa dipswi dangu, va na ni engisa; Vamatiko va na khoza kwangu.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Jobe 6:27

Aniko, kukhata, mo xaxuvela tixolo txikulungu, mi dyelelwa, mi ningela walo mngana wanu.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Matewu 23:14

[Mi na ni dikhombo, anu vabhali ni nanu Vafarisi, vaxengeteli! Mi moxako silo sa tinoni, mi txi va xenga ngu mikombelo yo lapha; ngu toneto mi na lamulwa ngu malamulelo o karata ngutu.”]