2 Pedro 2:2 - Bhiblia Yo Sawuleka

² Vathu vavangi va na londeta tigondo tawe ta manyala, se ngu mhaka yawe, nzila ya ditshuri yi na nyetwa.

2 Pedro 2:2 Referans Kwoze

Varoma 2:24

Ngu konaho, ti bhatwe ti to “Ditina da Txizimu da ruketelwa hagari ka vamatiko ngu mhaka yanu.”

Judha 1:10

Kambe vathu vava va ruketela sotshe si va si si ziviko; se asile va si zivako ngu mazivelo o fana ni a sihari so mbi na mapimo, eso si thuma ku va lovisa.

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Titosi 2:8

thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

Mithumo 24:14

Ditshuri di ni di zivako ngu diya: Ani ni thumela Txizimu txa vatate vathu, madingano ni Nzila yi vona va ku kha vona njo timeta, kasi ani ni kholwa ka totshe ti ti nga bhalwa mu ka Mlayo ni Vaprofeti.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

2 Pedro 2:21

Ngu toneto, i ti tshuko kwawe, idiku va ti sa yi ziva nzila yo lulama, kupinda ku, msana ka ku yi ziva, ve hambuka ka mlayo wo sawuleka awu va nga ningwa wona.

Titosi 2:5

ve va ni wuzivi ni kuthembeka ni kutiveka hahatshi ka vamna vawe, ve va i di vaxayisi vavanene va timwaya tawe, i di vo randeka, kasiku dipswi da Txizimu di si poyilwi ngu m'thu.

1 Timoti 5:14

Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

Mithumo 19:9

Vamwani va to bangisa timbilu tawe, se ha wukhaloni ka kukholwa, va to sola Nzila ya Mkoma, kona hale masoni ka vathu. Paulo a to khukha masoni kwawe e tsula, e teka vagondiswa ngu phuho, a txi va gondisa dipswi, ditshiku ni ditshiku, txikolani ka Tirano.

Mithumo 18:26

Ku ti ngako Prisila ni Akila va di mu engisile, va to mteka ve mu txhamusela ta tinene Nzila ya Txizimu.

Mithumo 14:2

Aniko Vajudha va va nga mbi kholwa va to kujetela vamatiko kasiku timbilu tawe ti txi wukela vanathu.

Mithumo 13:10

a txi khene: “Awe u nga tala ngu wukanganyisi ni wubihi wotshe, mwanana wa Sathani, mlala wa sotshe so lulama, khu leki kugombonyisa tinzila ta Mkoma, ati i ku to lulama kani?

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Marku 12:14

Vona va to ta kwakwe va txi kha vona: “M'gondisi, ha tiziva ti taku u womba ti ti nga tsana ni ti taku khu thavi m'thu, nguko khu sawuli tikhohe ta vathu; aniko u gondisa nzila ya Txizimu ngu ditshuri. Ina hi na ni fanelo yo humisa mkhupo ka Khezari mwendo hi nga tona kani? Ha khupa mwendo kha hi khupi kani?”

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

Matewu 7:14

Nguko txike txi songile, ni nzila ya kona yi khwete, ayi yi yisako wutomini, kambe mbadotho va yi manako.”

Masalmo 18:21

nguko ani ni londetile tinzila ta Mkoma kha ni zivi kutshuralela Txizimu txangu.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

2 Pedro 2:12

Kambe avava, kufana ni sihari si si ziviko, asi ngu mtumbuluko wa sona si nga mahelwa kusekelwa ni kudawa, ngako va ruketelako atxile va si txi ziviko, va na fisa ku nga sona sihariso.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Genesisi 19:5

Se va to dhana Loti, va txi kha vona: “Va hani vathu vava va nga wulela m'tini kwako wusiku wuwa kani? Va tise kwathu hi lava kuotela navo.”

Mithumo 22:4

Ni xanisile vathu va Nzila yiya, veza ve dawa. Ni va sungisete ngu titxhini, ni va beta mikorani, vavamna ni vavasikati.

2 Pedro 2:7

kambe Txizimu txi ponisile Loti, i nga ti m'thu wo lulama, awu a nga txi xaniseka ngu mhaka ya wubihi wa vathu vale vo xanga.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.