2 Pedro 2:10 - Bhiblia Yo Sawuleka

¹⁰ ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

2 Pedro 2:10 Referans Kwoze

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Judha 1:10

Kambe vathu vava va ruketela sotshe si va si si ziviko; se asile va si zivako ngu mazivelo o fana ni a sihari so mbi na mapimo, eso si thuma ku va lovisa.

Judha 1:18

nguko vona va mi gete va txi kha vona: “Ka masiku o gwitisa, va na humelela vatseketseli, ava va no hanya ngu kulondetela minavelo yawe yo biha.”

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Luka 19:14

Aniko vathu va ditiko dakwe va ti mu vengela, ve ruma mitumi msana kwakwe, kuya womba tito: ‘Kha hi ti lavi kufumwa ngu m'thu wuwa.’ ”

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Mithumo 23:5

Se Paulo a to khene: “Vanathu, ni ti si ti zivi ti to i mphaxeli wa hombe, nguko kubhatwe tito: ‘U nga thuke u txi ruka mfumeli wa ditiko dako.’ ”

Ekleziyaste 10:20

U nga ruketele mfumeli, hambi ngu mapimo ako, nikakudotho u nga ruketele nyatithombe, hambi u di nyumbani kwako; nguko sinyana sa nzumani si nga rwala mhaka ya kona, se sile si ku ni tibhapi si nga ya hangalasa mhaka.

1 Vatesalonika 4:7

Nguko, Txizimu kha txa hi dhanela ku ta hanya nzambwani, aniko txi hi dhanete ku ta hanya kusawulekani.

2 Vakorinto 10:3

Nguko hi hanya ha mafuni, kambe yimbi yi hi lwako yona, hi nga ya kulwela sa ha mafuni.

Varoma 8:1

Sekonakuwa kha ku nga ngadi ho kuabaniswa ka vale va ku ka Kristu Jesu.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

1 Vafumeli 12:16

Msana ka kuva votshe Vaisrayeli va di ti woni taku mfumeli kha va engisi, vathu va to tshumela ve mxamula ku kha vona: Njiavelo muni hi ku natxo athu ka Dhavhidha kani? Kha hi mani thomba ka mwana Jese. Tsula matendani kwako awe Israyeli! Ninga koko, ka nyumba yako, awe Dhavhidha. Se Israyeli a to tsula matendani kwakwe.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Mitengo 15:30

Se awu a nga onha khakwenye hambi i ti txizikwa mwendo mluveli, a ruka Mkoma; eyo m'thu a na tutumiswa hagari ka vanana va kakwawe.

Genesisi 49:6

Moya wangu wu nga wulele sikungoni kwawe, nduma yangu yi nga wuletiswe misengeletanoni kwakwe, nguko kuhenyani kwawe va dayete vavamna, ve sakana ngu kulimata misiha ya tihomu.

Vaefesu 4:19

Ngu mhaka ya wubhemba wawe, va ti ningetete ka mikhuwo ya manyala, kasiku ve maha totshe tixaka ta mithumo ya nzambwa, va si sikoti kutiñola.

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

Luka 11:25

Se ngako wu txi hoka kona, wu yi mana yi di hiyetwe, na kambe yi di longisilwe.