2 Pedro 1:8 - Bhiblia Yo Sawuleka

⁸ Nguko, yotshe mitamo yiya, yi txi maneka kwanu ngu kutala ka yona, kha yi na mbi mi leka mi di mikara mwendo sifule amu ka kuziva Jesu Kristu Mkoma wathu.

2 Pedro 1:8 Referans Kwoze

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Johani 15:2

Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Vafilipiya 1:9

Ni kombela ti to lirando lanu li na kule ditshiku ni ditshiku, amu ka wuzivi ni wutxhari,

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

2 Pedro 1:2

Makatekwa ni kudikha si nave ni nanu ngu kutala ka sona, ngu konaho ka wuzivi wa Txizimu, ni Jesu, Mkoma wathu.

Filimoni 1:6

Ani ni kombela ti to likholo li u sengelako ka lona ni vamwani li na ku ninge kuziva totshe ti hi fanelako ku ti maha ngu lirando ka Kristu.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Vafilipiya 2:5

Hagari kwanu, kulaveka mi zumba mi di ni mapimo a Kristu Jesu:

2 Vakorinto 13:5

Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

2 Vakorinto 9:14

Nguko mi khongelela, vona va na komba lirando la hombe kwanu, ngu mhaka ya kateko ya kuxamalisa mi nga ningwa ngu Txizimu.

2 Vakorinto 8:2

Hagari ka mihumbo ya kuxaniseka ka hombe, ayi ma nga dukwa ngu yona, kambe kutsaka kwawe ku to engeteleka, se hagari ka wusiwana wawe wa hombe va to humisa msengo wawe ngu wuha wa kupindisa mpimo.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

1 Vatesalonika 3:12

Mkoma a na kulise ni kuandisa lirando li mi randanako ngu lona anu, ni lirando la kuranda votshe vathu, nga ti athu hi mi randisako tona.

2 Vakorinto 8:7

Se, ngako mi nga talelwa ngu sotshe: Likholo, kuwombawomba, wuzivi, kukhutala kotshe, ni lirando li mi hi randako ngu lona, zamani kuhumelela kambe ka mthumo wuwa wa lirando.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Johani 5:42

aniko ani na mi ziva kha kwati, anu kha mi nga ni lirando la Txizimu timbiluni kwanu.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Matewu 20:6

A di humile ngu txikhati txa wugumi ni tximwetxo, a to engeta e mana vamwanyani, va nga ti emile, a txi khene kwawe: ‘Njitxani mi txi zumba hawa, ditshiku dotshe, mi si thumi txilo kani?’

Matewu 20:3

Se e huma ngu txikhati txa wuraru, e wona vamwani va nga ti ha mtendelani ka m'ti, nava si thumi txilo.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Mavingu 19:15

Wukara wa maha m'thu e otela wukohe wo tshima, kambe m'thu wo kanganyisa a na fa ngu nzala.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

2 Pedro 2:20

Ngu toneto, ngako vathu msana ka kuva va di hulukile ka nzambwa ya ditiko ngu kuziva Mkoma wathu Jesu Kristu, se ve tshumela da wumbidi va txi tumela kuxulwa ngu yona nzambwa yileya, mahanyelo awe o gwitisa ma nava o biha ngutu kupinda o khata.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.