2 Pedro 1:5 - Bhiblia Yo Sawuleka

⁵ Ngu mhaka ya totshe tiya, khutalani nga ti mi ti kotisako tona, mi txi tsanisa wunene ngu wuzivi;

2 Pedro 1:5 Referans Kwoze

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

Vahebheru 6:11

Kambe athu hi navela ti to mmweyo ni mmweyo kwanu e kombisa kukhutala konako kala magwito, kasiku txithembo txanu txi hetiseka.

Vafilipiya 1:9

Ni kombela ti to lirando lanu li na kule ditshiku ni ditshiku, amu ka wuzivi ni wutxhari,

2 Pedro 3:14

Ngu kota yeto, vo randeka, na mi txi rinzela simaha siya, ti karateni kufela ku ene a txi ta mi mana mi di basile, mi si nga ni txisolo, kambe a ne ta mi mana mi di ni kudikha.

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Masalmo 119:4

Mkoma, awe u hi ningile milayo yako, u txi hi gela ti to hi yi xayisa ngu yotshe mbilu.

Vakolosa 2:3

awu i ku kwakwe txi nga siswa txotshe txuma txa wutxhari ni wuzivi.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Luka 24:21

Athu hi ti ni txithembo ka ti to Ene ngene a no tirula Israyeli; aniko, hambi keto, ditshiku da nyamsi nda wuraru, kukhukhela ti di mahekile timhaka tiya.

Vakolosa 1:9

Ngu konaho, nathu, txima hi txi engisa toneto, kha ha humula ku mi khongelela ni ku mi kombelela, ti to mi txi tala ngu wuzivi wa kuranda kwakwe, ni wutxhari wotshe, ni kualakanya kotshe ka Moya;

1 Pedro 3:7

Kufana ni toneto, na nanu vavamna, hanyani ngu kuengisana ni vasikati vanu, mi txi zumba navo ngu txithavo, nga siya sa kwa mbi tsana, mi txi va xonipha kambe, ngukuva i di vadyi kuloni va thomba ya kateko, yi yi ningako wutomi, kasi ku mikombelo yanu yi si tsivelwi ngu txilo.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

Luka 16:26

Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.’ ”

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.

2 Pedro 1:11

Ngu yoneyo nzila, mi na tulelwa diphango da wukoma wo mbi guma wa Mkoma wathu ni Muhanysi wathu Jesu Kristu.

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”