2 Pedro 1:12 - Bhiblia Yo Sawuleka

¹² Ngu konaho, otshe masiku ni navela kuzumba ni txi mi alakanyisa timhaka tiya, hambiko mi ti zivako, ni kuwa mi nga tsaniswa ka dona ditshuri diya mi ku nado.

2 Pedro 1:12 Referans Kwoze

1 Johani 2:21

Kha na mi bhalela ngukuva mi si zivi ditshuri, aniko ni mi bhalete ngu kuwa mi di zivako, nguko kuwalo makuhu awa ma humako ngu ka ditshuri.

Vafilipiya 3:1

Ngu kugwitisa, vanathu, tsakani ngu ka Mkoma. Kha ti ni karati kuengeta ni mi bhalela toneto ta timweto, nguko eto ti vhuna ku mi tsanisa.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

2 Johani 1:2

ngu mhaka ya ditshuri di di zumbako kwathu, adi di no va ni nathu yotshe mbimo,

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.

Judha 1:17

Aniko, anu, vorandeka, alakanyani mapswi awa ma nga wombwa kale ngu vapostoli va Mkoma Wathu Jesu Kristu,

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

2 Pedro 3:17

Ngu toneto, anu vo randeka, ngako mi nga songolela ku tiziva, ti woneleni, kasiku mi si thuki nanu mi txi humiswa ka likholo lanu lo tsana, ngu kuxengwa ngu vathu vo biha va va si khataliko ngu txilo.

2 Pedro 3:1

Vo randeka, adiya dipapilo nda wumbidi ni txi mi bhalela, na ni txi duketa, ka otshe mapapilo a mambidi, kuwuseta mialakanyo yanu ya yinene ngu sialakanyiso sokari;

2 Pedro 1:15

Hambi keto, ni na ti karata kasiku hambi ni txi fa, mi na sala mi txi ti alakanya totshe tiya.

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Vahebheru 10:32

Kambe alakanyani makhato anu. Ka masiku oneyo msana ka kuva mi di woningilwe ngu Txizimu mi rwate sixaniso sa kulwa ko nemela ni kupandisa.

2 Timoti 1:6

Ngu konaho, na ku layetela ti to u txi wuseta txihiwa txa Txizimu, atxi u nga ningwa ngu kuwa ni nga kusanzeka manza angu.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

Mithumo 16:5

Ngu konaho, mabanza ma ti tsaniswa amu ka likholo, me anda ditshiku ni ditshiku.

Vakolosa 1:5

ngu mhaka ya kuthemba ku mi nga vekelwa kona nzumani, kuthemba ku mi nga ziviswa kona ngu dipswi da ditshuri, i ku Evhangeli,