2 Pedro 1:10 - Bhiblia Yo Sawuleka

¹⁰ Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

2 Pedro 1:10 Referans Kwoze

2 Pedro 3:17

Ngu toneto, anu vo randeka, ngako mi nga songolela ku tiziva, ti woneleni, kasiku mi si thuki nanu mi txi humiswa ka likholo lanu lo tsana, ngu kuxengwa ngu vathu vo biha va va si khataliko ngu txilo.

Vahebheru 6:11

Kambe athu hi navela ti to mmweyo ni mmweyo kwanu e kombisa kukhutala konako kala magwito, kasiku txithembo txanu txi hetiseka.

Masalmo 121:3

Kha na mbi leka mkondo waku wu rithimuka; awule a ku xayisako, kha na mbi khudhahela.

Mika 7:8

Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Masalmo 112:6

ene i ku wo thembeka, kha na mbi wa hahatshi a na zumba a txi alakanywa yotshe mbimo.

2 Pedro 1:5

Ngu mhaka ya totshe tiya, khutalani nga ti mi ti kotisako tona, mi txi tsanisa wunene ngu wuzivi;

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Isaya 56:2

A katekile m'thu wu a no maha eto, ni mwanana wa m'thu wule a namarelako ka tona, a si nyamisiko ditshiku da Sabbata, ni kuxayisa dianza dakwe ku di si mahi to biha.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Masalmo 37:24

Mlulami hambi a txi wa, kha weli mphelo, nguko Mkoma a na mñola ngu diwoko e mu wusa.

Vahebheru 6:19

Txithembiso txiya, kwathu, txi fanana ni hangi ya moya, ayi i ku ya kutsana ni kuthembeka, ayi yi dolako nguwo ya txitshingelelo ya dithepele yi txi wulela mndani ka txiluvelo txa Txizimu.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Matewu 22:14

Kha ditshuri mbavangi va nga dhanwa, aniko mba dotho va nga sawulwa.”

Varoma 11:29

Kasi siningo sa Txizimu ni kudhanwa ngu txona kha si na kutshumelela msana.

Jakobe 2:10

Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

2 Pedro 3:14

Ngu kota yeto, vo randeka, na mi txi rinzela simaha siya, ti karateni kufela ku ene a txi ta mi mana mi di basile, mi si nga ni txisolo, kambe a ne ta mi mana mi di ni kudikha.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”