2 Makronika 9:8 - Bhiblia Yo Sawuleka

⁸ A na dhumiswe Mkoma Txizimu txako, awu a tsakako ngu ngawe, kasi e kuveka ha txituluni ka wukoma wa Israyeli, kasi ku u txi fuma ngu ditina da Mkoma Txizimu txako, ngu ku Txizimu txako txa randa Israyeli ka yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

2 Makronika 9:8 Referans Kwoze

2 Makronika 2:11

Se Hiramu, mfumeli wa Tiro, a xamute ngu kubhala e rumela ka mfumeli Solomoni a txi khene: Mkoma a ngadi a txi randa vathu vakwe, a kuvekile kuva mfumeli wawe.

1 Makronika 29:23

Se Solomoni a to khalahatsha ha txikhaloni ka Mkoma, mfumeli ka wukhalo wa Dhavhidha, tate wakwe, se a to humelela; kambe votshe va ka Israyeli va to mu engisa.

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Masalmo 72:2

kasiku e thethisa vathu vako ngu kululama ni kuxayisa sisiwana ngu kululama.

Masalmo 22:8

“A thembile Mkoma, se ene a na m'hulukise; a na m'hanyise, ngako a mrandako.”

Masalmo 18:19

A ni yisile ka wukhalo wo mbi na phango, a ni hulukisile nguko ene wa ni randa.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Makronika 17:22

Se u tekile vathu va ka Israyeli kuva veva vathu vako, kala kupinduka; se awe Mkoma, uve Txizimu txawe.

1 Vafumeli 10:9

A na Bongwe Mkoma Txizimu txako, a nga mana kutsakiswa ngu ngawe, kasi e kuveka ha txituluni ka wukoma ka Israyeli; nguko Mkoma wa randa Israyeli yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

2 Samuwele 23:3

Kuwombile Txizimu txa ka Israyeli Dirigwi da Israyeli di wombile tiya kwangu: Ku nava ni mlulami wu a no fumela txitimwi ka vathu, a na fuma ngu kuthava Txizimu.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

Isaya 62:4

Khu na mbi ngadi u dhanwa ku u “Wo Lekwa,” ni ditiko dako kha di na mbi dhanwa kambe taku “Dirumbi”; aniko va na kudhana taku “Hefizibha,” ni ditiko dako di na dhanwa taku “Bhewula,” nguko Mkoma wa tsaka ngu ngawe, se Mkoma a na tekana ni ditiko dako.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

2 Makronika 9:7

Va katekile vavamna va u ku navo, vakatekile vathumi vako avale yotshe mbimo va ku masoni kwako, va pfisisako wutxhari wako!

2 Makronika 9:9

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima ngutu; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona mfumeli Solomoni.

Mavingu 29:4

Mfumeli wo lulama wa tsanisa ditiko dakwe, aniko awule i ku mngana wo xavwa, wa di hoxota.

2 Makronika 2:10

Se sithumi sako si si ku na wila mapulango, na si ninga 20.000 wa mimovha yo tala ngu fulaho yo hulwa, ni 20.000 wa mimovha yo tala ngu sevhadha, ni 20.000 wa mapipa a vhinyo, ni 20.000 wa mapipa o tala ngu mtona.

2 Makronika 13:8

Konkuwa mi pimisa ti to mi na mana mtamo ka wukoma wa Mkoma, awu u ku diwokoni da vanana va Dhavhidha; anu mi vathu votala ngutu, nakona, mi ni marole a nzalama awa Jerobhowamu a nga mi mahela kasiku si va sizimu sanu.