2 Makronika 9:23 - Bhiblia Yo Sawuleka

²³ Votshe vafumeli va ha mafuni va txi lava kuwona khohe ya Solomoni, kasi vepfa wuzivi wule Txizimu txi nga ti vekile mbilinu kwakwe.

2 Makronika 9:23 Referans Kwoze

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

1 Vafumeli 4:34

Votshe vathu va tile ku ta pfa wutxhari wa Solomoni, kumweko ni mitumi ya votshe vafumeli va mafu, vale va nga ti pfite madingano ngu wutxhari wakwe.

Vaefesu 1:17

Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

1 Vakorinto 12:8

Mmwani a ningwa kuwombawomba mapswi a wutxhari ngu wona Moya, mmwani a ningwa kuwomba dipswi da wuzivi madingano ni wona Moya wu wawumwewo;

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

2 Makronika 9:22

Sekoko mfumeli Solomoni a to pinda (pala) votshe vafumeli va ha mafuni ngu tithomba ni wuzivi.

2 Makronika 9:24

Se mmweyo ni mmweyo a txi ta mninga siya sa silivhela ni siya sa nzalama, syambalo, ni matxhari, ni makha, ni mahantxhi, ni mamula; tximwetxo ni tximwetxo ngu dilembe ni dilembe.