2 Makronika 9:11 - Bhiblia Yo Sawuleka

¹¹ Se mapulango eyo ya almuge mfumeli a to hamba ngu ona sikadha sa Nyumbani ka Mkoma ni sa nyumbani ka mfumeli, kumweko ni tiharipa ni misengele ya vaembeleli; kha kuzivi kuta mapulango o ngeto ditikoni da Judha.

2 Makronika 9:11 Referans Kwoze

1 Vafumeli 10:12

Se ngu mapulango eyo a almuge, mfumeli a to maha ngu ona sihiketo sa Nyumba ya Mkoma, ni ya nyumba ya mfumeli, kumweko ni tiharipa ni misengele ya vaembeleli; kha kuzivi kuta mapulango ongeyo ngu sandalo, kha ma zivi ka nga wonwa kala ka ditshiku da nyamsi.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

1 Makronika 25:1

Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.

2 Makronika 2:8

Ni rumele kambe mapulango a mikedhari, mafaya, ni algumini a Libhanoni; nguko na tiziva ta ku sithumi sako sa tiziva kuwila mapulango ani Libhanoni; se sithumi sangu si na va ni sithumi sako,

2 Makronika 9:10

Kambe tikhumbi ta Hiramu ni tikhumbi ta Solomoni a ti ti nga tisa nzalama ti txi khukhela Ofiri, ti txi tisa ni mapulango amangi ngutu almuge, ni marigwi a lisima.

2 Makronika 9:12

Mfumeli Solomoni a to ninga mfumeli wa txisikati wa Sabha, sotshe sile a nga si kombela ngu ku si navela, kuleka sile a nga maha ngu kuninga apune, madingano ni wuha wa mfumeli Solomoni; se a to tshumela e khukha kuya ditikoni kwakwe, ene ni tikhumbi takwe.