2 Makronika 8:18 - Bhiblia Yo Sawuleka

¹⁸ Hiramu, ngu dianza da tikhumbi takwe a to rumela amu ka sitataru sile ngu dianza da sithumi sakwe, va tsimbitisi va tingalava va va nga txi ziva kha kwati linene, ni sithumi sa Solomoni. Se va to hoka Ofiri, se va to ya teka koneyo 450 wa titalenta ta nzalama, ve ti tisa ka mfumeli Solomoni.

2 Makronika 8:18 Referans Kwoze

2 Makronika 9:10

Kambe tikhumbi ta Hiramu ni tikhumbi ta Solomoni a ti ti nga tisa nzalama ti txi khukhela Ofiri, ti txi tisa ni mapulango amangi ngutu almuge, ni marigwi a lisima.

2 Makronika 9:13

Se kunemela ka nzalama yile yi nga txi nehwa ka Solomoni dilembe ni dilembe i ti ka 666 wa titalenta ta nzalama.

Ekleziyaste 2:8

Ni to ti sengeletela silivhela, ni nzalama, ni tithomba ta vafumeli ni ta matiko a hombe; ni ti lavete vaembeleli va txiwamna ni va txisikati, ni ku ti tsakisa ngu vanana va vathu, ni siya so embelela ngu sona sa totshe tixaka.

1 Vafumeli 10:22

Nguko mfumeli a di ni sitataru sa Tarxixi, ni sitataru sa Hiramu; kumweko ngu malembe mararu, ku txi wuya sitataru sa Tarxixi si txi tisa nzalama ni silivhela ni makwasa a tinzofu, ni tifenhe ni digarakwinya.

2 Makronika 9:21

Nguko mfumeli a di ni sitataru sa Tarxixi, ni sitataru sa tikhumbi ta Hiramu, kumweko ngu malembe mararu, ku txi wuya sitataru sa Tarxixi si txi tisa nzalama ni silivhela, ni makwasa a tinzofu, ni tikhawu ni mapavawu.