2 Makronika 8:15 - Bhiblia Yo Sawuleka

¹⁵ Vaphaxeli ni Valevhi kha va hambuka ka mlayo wa mfumeli madingano ni dibhindu hambi ka tithomba.

2 Makronika 8:15 Referans Kwoze

2 Makronika 30:12

Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.

1 Makronika 9:29

Nguko kwawe, vokari va ti ni mthumo wo xayisa simaha, ni sotshe siya so sawuleka, sa mpupu wo tshura, ni sa vhinya, ni sa mtona, ni sa dibaselo, ni sa makha.

1 Vafumeli 7:51

Wu gumisile tiya wotshe mthumo wu a nga wu maha mfumeli Solomoni ka Nyumba ya Mkoma. Sekoko Solomoni, mwana Dhavhidha, a nehile sotshe siya so sawuleka, i ku silivhela ni nzalama, se siya a to si veka hagari ka thomba ya Nyumba ya Mkoma.

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Makronika 8:16

Se wotshe mthumo wa Solomoni wu ti ti longisetwe kukhukhela ditshiku do khata kuaka Nyumba ya Mkoma kala yi txi guma; se Nyumba ya Mkoma yi to gumisa toneto.