2 Makronika 8:14 - Bhiblia Yo Sawuleka

¹⁴ Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Makronika 8:14 Referans Kwoze

1 Makronika 9:17

Vawoneleli va sike ngu vava: Salumi, ni Akubhe, ni Talimoni, ni Ayimani ni vanawe, se mthangeli wawe i ti Salumi.

Nehemiya 12:36

ni vanawe, i ku Semaya, ni Azareli, ni Milalayi, ni Gilalayi, ni Mahayi, ni Netaneli, ni Judha, ni Hanani, ni sivetaveta sa Dhavhidha, m'thu wa Txizimu; se Ezra, mabhalani, a ti thangete masoni kwawe.

Nehemiya 12:24

Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Luka 1:8

Sekoko Zakariya, ngako a di ha mthumoni kwakwe ka wuphaxeli masoni ka Txizimu, madingano ni kuruma ka mlayo wa mtxawa wakwe,

Luka 1:5

Ka masiku a Herodha, mfumeli wa Judheya, ku ti ni mphaxeli, awu a nga ti dhanwa ku i Zakariya, wa mtxawa wa Abhiya. Msikati wakwe i ti wa lixaka la ka Aroni, ditina dakwe a ti dhanwa ku i Izabheli.

2 Makronika 35:10

Se va di gwitile kulongisela mthumo wotshe vaphaxeli va to zumba ka makhalo awe ni vona Valevhi va to zumba ngu mitxawa yawe madingano ni kuruma ka mfumeli.

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

2 Makronika 23:4

Atiya ngu ti mi fanelako timaha: Mpimo wanu wa wuraru, vaphaxeli ni Valevhi ava va wulelako mthumoni ngu mgivela va na wonelela sike;

2 Makronika 5:11

Se ku to maheka ti to va txi huma vaphxeli ngu ka wukhalo wo sawuleka, (votshe vaphaxeli va va nga ti tiho, va ti ti basisile, va siye ngu mitxawa yawe),

1 Makronika 28:19

Totshe tiya, Dhavhidha a to khene: Va to ni ninga ngu mibhalo, ngu kuruma ka Mkoma, i ku tiya, yotshe mithumo ya txikombiso txiya.

1 Makronika 23:1

Mbimo yi koko, Dhavhidha a nga kumba, a di ni masiku o tala, a to veka Solomoni, mwanakwe, kuva mfumeli txitimwi ka va ka Israyeli.

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

1 Makronika 16:37

Sekoko Dhavhidha a to siya Asafe ni vanawe koneho, masoni ka dibhokiso da txitumelelano txa Mkoma, kasi kuve khozela masoni ka dibhokiso otshe masiku, madingano ni txileleto txa ditshiku ni ditshiku.

1 Makronika 24:1

Se mitxawa ya vanana va ka Aroni ngu yiya: vanana va Aroni i ti Nadhabhi, ni Abhiyu, ni Eleyazari, ni Itamari.

1 Makronika 25:1

Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

1 Makronika 26:1

Vathangeli va sike va ti ti abanisetwe ngu mitxawa. Ka va ka Kora i ti ti Meselemiya, mwana Kora, wa vanana va ka Asafe.

2 Makronika 8:15

Vaphaxeli ni Valevhi kha va hambuka ka mlayo wa mfumeli madingano ni dibhindu hambi ka tithomba.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

2 Makronika 35:4

Tilongiseleni madingano ni tinyumba ta vatate vanu ni ngu mitxawa yanu madingano ni ti ti nga bhalwa ngu Dhavhidha, mfumeli wa Israyeli, ni mwanakwe Solomoni.

1 Makronika 9:24

Vawoneleli va ti ka mune wa madhawa: Ngu da wutxani, ngu mswa-ditambo, ngu wuphemba, ni wulambwe.

1 Makronika 24:3

Dhavhidha kumweko ni Zadhoki, wa vanana va Eleyazari, ni Ayimeleki wa vanana va Itamari, va to abanisela mithumo ka vaphaxeli madingano ni wuthangeli wawe.

2 Makronika 23:19

Se a to veka vawoneleli va sike sa Nyumba ya Mkoma, kasi ku ku si wuleli awule a nga nyenyeziswa ngu mhaka yokari.

2 Makronika 35:15

Se vaembeleli, vanana va Asafe, va ti ti ha wukhaloni kwawe madingano ni kuruma ka Dhavhidha ni Asafe, ni Hemani ni Jedhutumi, m'huti wa mfumeli, ni vawoneleli va sike kha va khukha ha makhaloni kwawe, nguko vanawe va ka Levhi va va longisete sakudya sawe.

Nehemiya 12:25

Mataniya, Bhakebhukiya, Obhadhiya, Mesulami, Talimoni ni Akubhe i ti vaxayisi vo woneleta sike sa tinyumba to veka ka tona siya.