2 Makronika 8:13 - Bhiblia Yo Sawuleka

¹³ e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

2 Makronika 8:13 Referans Kwoze

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Ezekhiyele 45:17

Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.

1 Vafumeli 9:25

Se Solomoni a ti ti ningela mphaxo wo hiswa, kuraru ngu dilembe, ni miphaxo ya kuthutha, txitimwi ka txiluvelo txi va nga akela Mkoma, se a ti hisa dibaselo txitimwi ka sile si nga ti masoni ka Mkoma; aniko nyumba yi to gumiseto.

Eksodha 34:22

U na vekisa kambe m'buso wa mavhiki, amu ka mbimo ya silo so khata mu kuelulani ka fulaho, ni m'buso wa kuelula ngu magwito ka dilembe.

Eksodha 34:23

Vathu votshe vavamna va ku hagari kwako va na ti wonekisa ka Mkoma Txizimu, Txizimu txa ka Israyeli;

Nehemiya 8:17

Se wotshe msengeletano wa vale va nga wuya ngu wukhumbini va to maha midhuti va zumba ka yona; nguko vanana va ka Israyeli va si khali kumaha, kukhukhela ka masiku a Joxuwa, mwana Nune, kala ka ditshiku dile, se ku to maneka kutsaka ka hombe.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.