2 Makronika 8:11 - Bhiblia Yo Sawuleka

¹¹ Mwanana wa Faro a to kwelela ngu didhoropani ka Dhavhidha eya m'tini kwakwe, a nga ti aketwe ngu Solomoni; nguko a txi khene: Msikati wangu kha na mbi zumba nyumbani ka Dhavhidha mfumeli wa Israyeli, nguko makhalo awa dibhokiso da Mkoma di nga wuletiswa ka ona ma sawulekile.

2 Makronika 8:11 Referans Kwoze

1 Vafumeli 7:8

Se nyumbani kwakwe, amu a nga ti ti zumba kona, ku ti ti ni diguma mndani ka m'hubhe, da maakelo mamwewo; ni mwana Faro wa dihorana, awule i nga ti ti msikati wa Solomoni, a to mu akela nyumba yo fana ni m'hubhe wule.

1 Vafumeli 3:1

Se Solomoni a to va ni wuxaka ni Faro, mfumeli wa Egipta, a to teka mwanana wa Faro wa dihorana, e mtisa m'tini ka Dhavhidha, kala ha a nga heta kuaka nyumba yakwe, ni Nyumba ya Mkoma, ni diguma do ranganyeta Jerusalema.

1 Vafumeli 9:24

Kambe mwanana wa Faro wa dihorana, a to kwelela ngu didhoropani ka Dhavhidha eya nyumbani kwakwe, a nga ti aketwe ngu Solomoni; se a to aka Milo.

2 Pedro 1:18

Athu hipune hi di engisile dipswi diya di txi ta ngu nzumani, mbimo yi hi nga ti kumweko nayo ha mmangoni ko sawuleka.

Ezekhiyele 21:2

Awe mwanana wa m'thu, rendekela Jerusalema na u di thuvikile, u theketa mapswi ako o wukela makhalo o sawuleka, ni kuprofeta u wukela ditiko da ka Israyeli.

Eksodha 29:43

Ngu wonewo wukhalo ni no va ni txi ta manana ni vanana va ka Israyeli, se wu na va i di wukhalo wu wu no va wu txi sawulekiswa ngu wudhumo wangu.

Eksodha 3:5

Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

2 Makronika 8:10

Avava i ti ti vathangeli va vathumi txitimwi ka kuaka ku a nga ti nako mfumeli Solomoni, i ti 250 wa vona, va nga ti thangela vathu va va nga txi thuma aha ko aka.