2 Makronika 7:9 - Bhiblia Yo Sawuleka

⁹ Se ka ditshiku da wutxhanu ni mararu, va to hamba m'buso wo hetelela, nguko va ti ti hetile mtxahanu wa masiku ni mambidi va txi khangula txiluvelo ni mtxahanu wa masiku ni mambidi va txi maha mibuso.

2 Makronika 7:9 Referans Kwoze

Levhi 23:36

Anu, ka ona masikuyo a mtxhanu ni mambidi, mi na maha miningelo yo hiswa ka Mkoma. Ka ditshiku da wutxhanu ni mararu, mi na ramba msengeletano wo sawuleka, mi maha mningelo wa mhamba ka Mkoma. Msengeletano wa m'buso wo gwitisa, mi nga maheni mthumo ni wawumwewo.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

2 Makronika 30:23

Wotshe msengeletano wu to pfana kuya masoni, ngu kumaha mibuso yo fana ni wule va nga wu maha, wa mtxhanu wa masiku ni mambidi, va di tsakile ngutu.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

Dhewuteronome 16:8

Mndani ka mtxhanu wa masiku ni dimwedo, u na dya mapawu o mbi tshumbelwa, se ka ditshiku da wutxhanu ni mambidi, ku nava ni msengeletano wa m'buso wo dhumisa Mkoma, Txizimu txako; u nga mahe mthumo ni wawumwewo.”

Mitengo 7:10

Se vathangeli va to ningela miningelo yawe ya mphaxo wa ha txiluveloni, ngu ditshiku di va ngadi sawula.

2 Makronika 7:10

Ngu ditshiku da magumi mambidi ni masiku mararu, ka mtxima wa wutxhanu ni wumbidi, mfumeli Solomoni a to hangalasa vathu, se va to tsula matendani kwawe, va di tsakile ngutu ta tinene, ngu mahaka ya totshe ta tinene tile Mkoma a nga mahela txithumi txakwe Dhavhidha, ni Solomoni, ni vathu vakwe va Israyeli.

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

1 Vafumeli 8:2

Se votshe vavamna va ka Israyeli va to patana ka m'buso, ka mfumeli Solomoni, ka mtxima wa etanimi, i ku mtxima wa wutxhanu ni yimbidi.