2 Makronika 7:8 - Bhiblia Yo Sawuleka

⁸ Ka mbimo yoneyo, Solomoni a to maha m'buso, wa mtxhanu wa masiku ni mambidi, a di kumweko ni votshe va Israyeli, dibutho dahombe, kukhukhela txidingeni ka Hamati kala ka mnambo wa Egipta.

2 Makronika 7:8 Referans Kwoze

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

Johani 7:2

Kambe m'buso wa Vajudha wa Midhuti wu ti hafuhi.

Amosi 6:14

Nguko wonani taku ni na wusa vathu hagari kwanu, anu va nyumba ya ka Israyeli, kuwomba Mkoma, Txizimu txa Mabutho a Tiyimbi, ava va no mi khozisa, kukhukhela txidingeni ka Hamati, kala ka txinambwana txa libalani.

2 Makronika 30:13

Ngu mtxima wa wumbidi ka dilembe ku to sengeletana vathu vavangi ngutu kona Jerusalema, ve maha m'buso wa mapawu o mbi tshumbelwa. I ti ti msengeletano wa hombe ngutu.

1 Vafumeli 8:2

Se votshe vavamna va ka Israyeli va to patana ka m'buso, ka mfumeli Solomoni, ka mtxima wa etanimi, i ku mtxima wa wutxhanu ni yimbidi.

2 Makronika 5:3

Se votshe vavamna va ka Israyeli va to patana ni mfumeli kam'buso, ka mtxima wa wutxhanu ni yimbidi.

2 Makronika 30:26

Ku manekile kutsaka ka hombe Jerusalema, nguko kukhukhela ka masiku a Solomoni, mwana Dhavhidha, mfumeli wa Israyeli, kha yi khali kuhumelela mhaka yo fana ni yi kona Jerusalema.

Ezekhiyele 45:25

Ka mtxima wa wutxhanu ni yimbidi, ngu ditshiku da digumi ni mtxhanu ka mtxima, m'busoni, a na maha toneto tatimweto ka otshe masiku a mtxhanu ni mambidi, ka mphaxo wa kudivalela sionho, ni ka mningelo wo hiswa, ni ka mningelo wa sakudya, ni mtona.

Ezekhiyele 47:20

Se muhingano wa mswa-ditambo i nava Linene la Hombe, kukhukhela muhinganoni ka wuphemba, kala kuya wulela Hamati; awuwa i nava muhingano wa mswa-ditambo.