2 Makronika 7:6 - Bhiblia Yo Sawuleka

⁶ Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

2 Makronika 7:6 Referans Kwoze

2 Makronika 5:12

ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

Amosi 6:5

mi embelela ngu mpfumawulo wa harpa, mi ti mahela sitxaya txaya sanu so embelela ku nga Dhavhidha:

Isaya 52:6

Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 87:7

Ava va embelelako ni va va sinyako va na kha vona: “Txisima txa otshe makatekwa athu txi maneka kwako.”

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 16:34

Dhumisani Mkoma, nguko mbwa mnene: Ni lirando lakwe li zumba ngu ha ku si gwitiko.

1 Makronika 15:24

Se Sebhaniya, ni Josafa, ni Netaneli, ni Amasayi, ni Zakariya, ni Bhenaya, ni Eliyezeri, vaphaxeli, va ti veta mipundu masoni ka dibhokiso da Txizimu; se Obhedhi-Edhomi ni Jeya, i ti vawoneleli va txike txa dibhokiso.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

2 Makronika 7:5

Se mfumeli Solomoni a to ningela mphaxo ngu kuthutha, 22.000 wa tihomu, ni 120.000 wa tinvuta; ngu kumaha keto, mfumeli ni votshe vanana va ka Israyeli, va to ningelisisa Nyumba ya Txizimu.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

2 Makronika 23:18

Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.

2 Makronika 29:27

Ezekhiya a to leleta ti to ve khata kuhumisa mningelo wo hiswa txitimwi ka txiluvelo, se mbimo yi va nga khata kuhumisa mningelo wo hiswa, va to khata ni kuembelela tindando to dhumisa Mkoma, ngu mipundu ni sivetaveta sa Dhavhidha, mfumeli wa Israyeli.

Ezra 6:18

Va to veka vaphaxeli ngu mbimo yawe, ni va ka Levhi ngu mitxawa yawe, kasi kuthumela Txizimu, txi txi manekako Jerusalema, nga tile ti nga bhawla ka dibhuku da Mosi.