2 Makronika 7:5 - Bhiblia Yo Sawuleka

⁵ Se mfumeli Solomoni a to ningela mphaxo ngu kuthutha, 22.000 wa tihomu, ni 120.000 wa tinvuta; ngu kumaha keto, mfumeli ni votshe vanana va ka Israyeli, va to ningelisisa Nyumba ya Txizimu.

2 Makronika 7:5 Referans Kwoze

Johani 10:22

Jerusalema, ku ti ni m'buso wa Kusawulekiswa ka Dithepele. I ti wuxika.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Ezekhiyele 45:17

Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.

2 Makronika 30:24

Nguko Ezekhiya, mfumeli wa Judha, a ningete ka msengeletano 1.000 wa marole ni 7.000 wa tivunta. Se vathangeli va ningete ka msengeletano 1.000 wa marole ni 10.000 wa tivunta; Vaphaxeli vavangi va to tibasisa.

2 Makronika 15:11

Ngu ditshiku donedo va to maha m'phaxo ka Mkoma, ngu sihari sile va nga wuya naso, 600 wa tihomu ni 6.000 wa tinvuta.

2 Makronika 5:6

Se mfumeli Solomoni ni wotshe msengeletano wa ka Israyeli, va nga ti sengeletanile kwakwe, votshe va ti ti masoni ka dibhokiso da txitumelelano, va txi phaxela ngu tinvuta, ni tihomu ta kwa mbi balwa, hambi kuziva mtengo wa tona ngu kutala.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 1:6

Se Solomoni a to maha mphaxo wo hiswa masoni ka Mkoma, txitimwi ka txiluvelo txa koporo txile txi nga ti ti ditendani ka msengeletano, e ningela txitimwi ka txona 1.000 wa miningelo yo hiswa.

1 Makronika 29:21

Se ka ditshiku dimwani va to maha timhamba ka Mkoma, ve ningela miphaxo ya kuhiswa, ka Mkoma: Ngu 1.000 wa marole, ni 1.000 wa tihamba, ni 1.000 wa sivuntana, ni sa kusela sa kona, ni timhamba to tala ka dotshe ditiko da ka Israyeli.

Mitengo 7:10

Se vathangeli va to ningela miningelo yawe ya mphaxo wa ha txiluveloni, ngu ditshiku di va ngadi sawula.

2 Makronika 7:4

Se mfumeli ni votshe va ka Israyeli, va to phaxa miphaxo masoni ka Mkoma.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.