2 Makronika 7:16 - Bhiblia Yo Sawuleka

¹⁶ Nguko konkuwa ni sawute nyumba yiya, ni yi sawulekisa, kasiku wu veka kona ditina dangu yotshe mbimo; se maso angu ni mbilu yangu si na zumba kona mule masiku otshe.

2 Makronika 7:16 Referans Kwoze

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

2 Makronika 7:12

Se Mkoma a to ti wonekisa ni wusiku ka Solomoni a m'gela ku khene: Ni pfite mkombelo wako ni kudila kwako, ni sawute wukhalo wuwa kasi ku va nyumba ya mphaxo wangu.

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

2 Makronika 6:20

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

Vakolosa 2:9

Nguko wuzimu wotshe wu akile ngu kutala mmidini kwakwe,

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

2 Vafumeli 21:4

Se a to aka siluvelo Nyumbani ka Mkoma, ikumo Mkoma a nga ti wombile ku khene: Ni na veka ditina dangu Jerusalema.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

1 Vafumeli 8:44

Ngako vathu vako va txi huma ve yalwa ni mlala wawe, ngu nzila yi u no va komba, ve khongela ka Mkoma ka didhawa di u ngadi sawula ka didhoropa diya, ni da nyumba yi ni nga akela ditina dako,

1 Vafumeli 8:35

Ku ngako nzuma yi txi tsiveka ma siwi mati, ngu kuva va di kuonhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di va xanisile,

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Dhewuteronome 12:21

Ngako wu txi maneka wu di kule ni nawe wukhalo wule wu nga sawulwa ngu Mkoma, Txizimu txako, kasi ku di txi dhumiswa koneyo ditina dakwe, konako u nga sikota kudaya tihomu tako ni tinvuta tako, ati Mkoma, Txizimu txako a nga kuninga, nga ti ni nga kuleleta; u nga sikota kudyela nyumbani kwako, nga ti u ti lavisako tona.

2 Makronika 7:17

Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, u maha totshe a ti ni nga kuruma tona, ni kuxayisa milayo yangu ni sileleto sangu,

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

Masalmo 132:13

Ngu toneto, Mkoma a sawute mmango wa Siyoni, na a txi xuva ku wu maha nyumba yakwe, a txi khene: