2 Makronika 7:14 - Bhiblia Yo Sawuleka

¹⁴ Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

2 Makronika 7:14 Referans Kwoze

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

2 Makronika 6:27

va engise awe koko u di nzumani, u divalela txionho txa sithumi sako ni txa vathu vako va ka Israyeli, ni ku va gondisa to va na tsimbile ngu nzila ya yinene, nisa mati txitimwi ka mafu awa u nga ninga vathu vako kuva thomba.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Isaya 63:19

Hi tshumete hi txi nga vale u si khaliko ku va fumela, ni kufana ni vale va si khaliko kudhanwa ngu ditina dako.

Isaya 59:20

Se ku nata Muhanyisi ka Siyoni, ni ka va ka Jakobe avale va nga leka tinzila to biha, kuwomba Mkoma.

2 Makronika 6:30

va engise u di nzumani, ka txikhalo txi u zumbako ka txona, divalela, ninga ka mmweyo ni mmweyo madingano ni mahanyelo akwe, ni ti u wonisako tona mbilu yakwe, nguko ngawe wekha u zivako timbilu ta vanana va vathu.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Mithumo 9:11

Mkoma a txi khene kwakwe: “Khukha u tsula ka nzila yi yi dhanwako ku i ‘Nzila yo lulama’, u ya wotisa, nyumbani ka Judha, m'thu wu a dhanwako ku i Sawule wa Tarso; ene ndiyo wa khongela;

Jeremiya 51:9

Hi duketile ku mu hanyisa Bhabhilona, aniko kha kalamuka. Mlekeni, mmweyo ni mmweyo a na tsule ditikoni kwakwe: Nguko kulamulwa kwakwe kuhokile nzumani, ka marefu a txitimwi ngutu.

Masalmo 60:2

U dekadekisile mafu u txi ma bhandisela; tsivetela tufa ta ona, nguko ma khungumuka!

Mitengo 6:27

Ngu kumaha keto, ditina dangu, di na va txitimwi ka vanana va ka Israyeli, se ani ni na va katekisa.

Dhewuteronome 28:10

Se vathu va mafu otshe, va na ti wona ti to u dhanwa ngu ditina da Mkoma, va na kuthava.

2 Makronika 6:33

Engisa awe nzumaniyo, txituluni hale u zumbako kona, u maha madingano ni kudila ka mluveli, kasi votshe vathu va ha mafuni ve ziva ditina dako, va txi na kuthava kufana ni vathu vako va ka Israyeli, va na ziva kambe ti to ditina dako da khumbukwa txitimwi ka nyumba yiya ni nga yi aka.

Ezekhiyele 33:12

Awe koko mwanana wa m'thu, womba ka vanana va va ka kwanu, u txi khawe: Kululama ka wo lulama, kha ku na mbi mmaha e huluka ka ditshiku da kuhoheta kwakwe; se m'bihi kha na mbi dawa ngu wubihi wakwe, ka ditshiku dile a hundulukako ka wubihi wakwe; hambi mlulami kha na mbi hanya ngu kululama ka ditshiku dile a no onha.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

2 Makronika 20:4

Va ka Judha va to sengeletana kumweko ni otshe madhoropa awe kasi kuve kombela mtamo ka Mkoma.

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Jeremiya 50:4

Ka masiku onayo ni ka yona yile mbimo, kuwomba Mkoma, vanana va ka Israyeli va nata, kumweko ni vanana va ka Judha; va na wuya va txi dila, va na lava Mkoma, Txizimu txawe.