2 Makronika 7:13 - Bhiblia Yo Sawuleka

¹³ Ngako ni txo thuka ni vhala nzuma, ni mati masini, kumbe kurumela tihumbi ti ta heta tithembwe, mwendo ku ni rumela mitungu hagari ka vathu vangu,

2 Makronika 7:13 Referans Kwoze

Dhewuteronome 11:17

nguko Mkoma a nga mi henyela e tsiva nzuma, ku siwi kambe mati, mafu ma si swi me mi ninga sakudya, se anu mi lova ngu kukuluveta ka ditiko da dinene, adi Mkoma a nga mi ninga dona.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Jobe 12:14

Wona taku txi txi khundumusa, kha ku aketwi; ni ka wule txi mtsivelako kha ku na mbi tulwa.

Luka 4:25

Aniko kha ditshuri na mi gela kambe ti taku khani: Ka masiku a mprofeti Elija, ku ti ni tinoni to tala ditikoni ka Israyeli, mbimo yi nzuma yi nga sekwa, txipimo txa malembe mararu, ni mtxhanu wa mitxima ni wumwewo, ku txi tumbuluka paya ka dotshe ditiko.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Masalmo 105:34

Txizimu txi rumile, ku so humelela humbi; ni txigoñwani txo mbi balwa.

Jobe 11:10

Ngako Txizimu txi txi khundumusa, ni kutsiva, mwendo kupata, i mani a no txi tsimba kani?

Mitengo 14:12

Kukhukhela konkuwa, ni na va limata ngu mtungu, ni txi va hetisa; msana kwawe, ni na maha limwani lixaka ngu ngawe, ni mfumo wa hombe, wa mtamo kupinda vona.”

Amosi 4:7

Hahandze keto, ni mi vhalete nzuma, ku txi ngadi kupwateka mitxima yiraru kuhoka mbimo yo funyela; ni yi nisile ka didhoropa dimwedo ka dimwani ni ka yi nisa; ka thembwe yimweyo yi nite, aniko ka yimwani thembwe kha ya na, kuomile.