2 Makronika 7:12 - Bhiblia Yo Sawuleka

¹² Se Mkoma a to ti wonekisa ni wusiku ka Solomoni a m'gela ku khene: Ni pfite mkombelo wako ni kudila kwako, ni sawute wukhalo wuwa kasi ku va nyumba ya mphaxo wangu.

2 Makronika 7:12 Referans Kwoze

2 Makronika 1:7

Ka wona wusiku wule, Txizimu txi to woneka ka Solomoni, txi m'gela tiya: Kombela txi u txi lavako ku ni txi kuninga.

1 Vafumeli 9:2

Mkoma a to ti wonekisa kambe ka Solomoni, kufana ni kule a nga ti ti wonekisile kona Gibheyoni.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

2 Makronika 7:16

Nguko konkuwa ni sawute nyumba yiya, ni yi sawulekisa, kasiku wu veka kona ditina dangu yotshe mbimo; se maso angu ni mbilu yangu si na zumba kona mule masiku otshe.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Masalmo 66:19

Aniko Txizimu txi ni engisile txi engisile mkombelo wangu.

Masalmo 10:17

Mkoma, engisa mikombelo ya sisiwana; si mbuwetele u txi si amukela.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

2 Vafumeli 21:7

Manasi a to veka txithombe txo vatwa, txo mahwa ngu mndonga, ka nyumba yile Mkoma a nga nga womba ka Dhavhidha ni ka mwanana wa kona Solomoni ku khene: Ka yiya nyumba kona Jerusalema, i ku kona ni nga kusawula ka totshe tihunzu ta ka Israyeli, ni na veka ditina dangu ngu ha ku si gwitiko.

Malakiya 3:4

Se miningelo ya ka Judha ni ya Jerusalema, yi na tsakisa Mkoma, kufana ni masiku a kale ni malembe o khata.