2 Makronika 6:6 - Bhiblia Yo Sawuleka

⁶ Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Makronika 6:6 Referans Kwoze

1 Makronika 28:4

Se Mkoma, Txizimu txa Israyeli, a ni sawute hagari ka yotshe nyumba ya tate wangu, kuva ni fumela kala kupinduka txitimwi ka va ka Israyeli; nguko a sawute Judha kuva mthangeli, ni nyumba ya tate wangu, ka nyumba ya ka Judha; hagari ka vanana va tate wangu a tsakisilwe ngu ngani, kasi ku e ni maha mfumeli txitimwi ka votshe va ka Israyeli.

Masalmo 132:13

Ngu toneto, Mkoma a sawute mmango wa Siyoni, na a txi xuva ku wu maha nyumba yakwe, a txi khene:

2 Makronika 12:13

Se mbimo yile mfumeli Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile Mkoma a ngadi sawula hagari ka totshe tihunzu ta ka Israyeli kasi kuveka ditina dakwe kona; se ditina da mwamwakwe i ti ti Nahama Muamoni.

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

2 Makronika 6:5

Kukhukhela ditshiku dile ni nga thavisa vathu vangu ditikoni da Egipta, kha na sawula didhoropa ni da dimwedo ka totshe tihunzu ta ka Israyeli kasi kuaka nyumba, kasi ni veka kona ditina dangu. Futhi kha na sawula m'thu awu no thangela vathu vangu va Israyeli.

Zakariya 2:12

Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.

2 Vafumeli 21:4

Se a to aka siluvelo Nyumbani ka Mkoma, ikumo Mkoma a nga ti wombile ku khene: Ni na veka ditina dangu Jerusalema.

2 Vafumeli 21:7

Manasi a to veka txithombe txo vatwa, txo mahwa ngu mndonga, ka nyumba yile Mkoma a nga nga womba ka Dhavhidha ni ka mwanana wa kona Solomoni ku khene: Ka yiya nyumba kona Jerusalema, i ku kona ni nga kusawula ka totshe tihunzu ta ka Israyeli, ni na veka ditina dangu ngu ha ku si gwitiko.

1 Makronika 17:5

nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa va ka Israyeli kala ka ditshiku da nyamsi; kambe ni tsimbila ngu ka ditenda ni ditenda, ni ka makhalo o sawuleka.

1 Makronika 17:7

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni ku humisile txibalani, msana ka tinvuta, kuva u maha mthangeli wa vathu vangu va ka Israyeli.

2 Makronika 6:20

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

2 Makronika 7:16

Nguko konkuwa ni sawute nyumba yiya, ni yi sawulekisa, kasiku wu veka kona ditina dangu yotshe mbimo; se maso angu ni mbilu yangu si na zumba kona mule masiku otshe.

2 Makronika 20:8

Se va to aka ka dona ni kuakela ditina dako nyumba yo sawuleka va txi kha vona:

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

2 Makronika 33:4

Se a to aka siluvelo Nyumbani ka Mkoma, amu Mkoma a nga womba a txi khene: Ditina dangu di na zumba Jerusalema ngu hawa ku si gwitiko.

Ezra 7:16

Kumweko ni silivhela ni nzalama mi nga yi manako ka dotshe ditiko da Bhabhilona, ni sile vathu ni vaphaxeli va nga ningako, ngu kuranda kwawe, Nyumbani ka Txizimu txawe, txi txi zumbako Jerusalema.

Masalmo 122:2

Mikondo yathu yi hokile ha txikeni kwako, awe Jerusalema.

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?