2 Makronika 6:41 - Bhiblia Yo Sawuleka

⁴¹ Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

2 Makronika 6:41 Referans Kwoze

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

Mtuletelo 19:14

Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Masalmo 65:11

Wa katekisa dilembe ngu kunonisa tithembwe! Kotshe mu u tsimbilako ngu kona kuho kupfuna.

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”