2 Makronika 6:40 - Bhiblia Yo Sawuleka

⁴⁰ Konkuwa, awe Txizimu txangu, hi wone u engisa mikombelo yathu yi hi mahako ka wukhalo wuwa,

2 Makronika 6:40 Referans Kwoze

Masalmo 116:2

A riyile nzeve a txi ni engisa, ni na mkhozela ni txi ngadi ni hanya.

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Masalmo 88:1

Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Masalmo 31:2

Ni engise ta tinene u txi kuluveta ku ni hulukisa. Awe maha dirigwi dangu da wuvhikeli; awe maha mkhokhola wangu wa wuthavelo ni kuhanyisa!

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

Masalmo 7:3

Awe Mkoma, Txizimu txangu, ngako ni di mahile to biha, ngako manza angu ma di mahile txionho,

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

1 Vafumeli 8:52

kasi ku maso ako me wonelela kudila ka txithumi txako, ni kudila ka vathu vako va ka Israyeli, kasi u txi va engisa ka totshe ti va no dila kwako.

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

2 Vafumeli 19:16

Namisa nzeve yako Mkoma, u engisa; tula maso ako Mkoma u wona: Hi nga pfa mapswi a Senakeribhe a nga ma rumela ku ta emisana ni Txizimu txa kuhanya.

2 Makronika 6:39

engisa koko ngu nzumani, u di khalahatshile ka txikhalo txa ha u zumbako kona, mikombelo yawe ni kudila kwawe, se va mahele wumbilu, u divalela vathu vako ngako va di kuonhete.

Masalmo 130:2

Mkoma, engisa dipswi dangu! Tinzeve tako ti na engise dipswi da kudila kwangu!

2 Makronika 6:20

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.