2 Makronika 6:36 - Bhiblia Yo Sawuleka

³⁶ Ngako va txi kuonhela (nguko kha ku na m'thu asi onhiko), se awe u txi va henyela, u va ningela masoni ka valala, kasi ku avale va no va ñola, ve va yisa ditikoni ka valala kota tikhumbi, hambi i di kule mwendo hafuhi;

2 Makronika 6:36 Referans Kwoze

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

Masalmo 143:2

U nga lave ku ni thethisa ani txithumi txako, nguko masoni kwako kuwalo wu i ku wamnene.

Masalmo 130:3

Ngako awe Mkoma u txi londeta ngu sionho sathu, i mani a no tsana a txi ema kani Mkoma?

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Mavingu 20:9

Ina aho waku a nga khene: Ni basisile mbilu yangu, ni kuwutwe sionho sangu!

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

2 Vafumeli 15:21

Kasi ngu kutala ka mithumo ya Menayemi ni totshe ti a nga maha, ina ti nga va ti sa bhalwa ka dibhuku da Matimu ya vafumeli va ka Israyeli kani?

1 Vafumeli 8:50

kambe divalela vathu vako, ngako va di kuonhete ka otshe mazumbelo awe aawa va nga ma hambanisa kwako; va mahele wumbilu masoni ka vale va nga va maha tikhumbi, kasi kuve va pfela wusiwana.

1 Vafumeli 8:46

Ngako va txi kuonhela (nguko kha ku na m'thu asi onhiko), se awe u txi va henyela, u va ningela manzani ka mlala, kasi ku avale va no va ñola, ve va yisa ditikoni ka mlala kota tikhumbi, hambi i di kule mwendo hafuhi;

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

2 Makronika 6:35

engisa koko na u di nzumani mikombelo yawe ni kudila kwakwe, va ninge kuhumelela.

2 Makronika 6:37

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;