2 Makronika 6:25 - Bhiblia Yo Sawuleka

²⁵ sekoko awe engisa u di nzumani, u divalela sionho sa vathu vako va ka Israyeli, u tshumela u va heleketa ka ditiko dile u nga va ninga vona ni vatate vawe.

2 Makronika 6:25 Referans Kwoze

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

2 Makronika 6:24

Ngako vathu vako va Israyeli va txi xulwa ngu mlala, ngu kuva va di kuonhete, ve hundulukela kwako, ve dhumisa ditina dako, ve dila masoni kwako nyumbani muwa,

2 Makronika 6:26

Ku ngako nzuma yi txi tsiveka ma siwi mati, ngu kuva va di ni onhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di vaxanisile,