2 Makronika 6:21 - Bhiblia Yo Sawuleka

²¹ Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo, engisa u di ka wukhalo wu u zumbako ka wona nzumani, engisa kambe divalela.

2 Makronika 6:21 Referans Kwoze

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

2 Makronika 6:39

engisa koko ngu nzumani, u di khalahatshile ka txikhalo txa ha u zumbako kona, mikombelo yawe ni kudila kwawe, se va mahele wumbilu, u divalela vathu vako ngako va di kuonhete.

Matewu 6:12

Hi divalele sionho sathu ngako nathu hi va divalelako ava va hi onhelako.

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

Masalmo 123:1

Ni gula maso angu ni txi wonetela awe, awe Mkoma, u zumbako nzumani.

2 Makronika 6:22

Ngako m'thu wokari a txi onhela mmwani, e mu vekela txixambanyo txitimwi kwakwe ti to e xambanya, se txixambanyo txita masoni ka txiluvelo txako, ka yiya nyumba,

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.