2 Makronika 6:20 - Bhiblia Yo Sawuleka

²⁰ Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

2 Makronika 6:20 Referans Kwoze

Masalmo 121:5

Mkoma ngene i ku m'vhikeli wako; Mkoma ngene mtsudi wako txinene kwako.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Vakolosa 2:9

Nguko wuzimu wotshe wu akile ngu kutala mmidini kwakwe,

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Vafumeli 19:16

Namisa nzeve yako Mkoma, u engisa; tula maso ako Mkoma u wona: Hi nga pfa mapswi a Senakeribhe a nga ma rumela ku ta emisana ni Txizimu txa kuhanya.

Dhewuteronome 26:2

sekoko u na teka mihando yo khata ka yotshe mihando yile u no elula ka dona ditiko dile Mkoma, Txizimu txako, a no kuninga, u na yi veka amu ka txirundu, u txi tsula nayo ka wukhalo wule Mkoma, Txizimu txako, a no wu sawula, kasi ku ditina dakwe di txi dhumiswa ka wona.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

2 Makronika 6:19

Engisa koko mkombelo wa txithumi txako awe Mkoma, Txizimu txangu, kasi upfa kudila ni mkombela wu nyamsi txithumi txako txi mahako masoni kwako.

2 Makronika 7:15

Konkuwa, maso angu ma na tuleka ni tinzeve tangu ti na engisa mikombelo yi yi no mahwa ka wukhalo wuwa.

2 Makronika 20:9

Hi txi humelelwa ngu to biha, ti yimbi, mitungu mwendo nzala, athu i naya ema masoni ka nyumba yiya ni masoni kwako; nguko ditina dako di nyumbani muwa; hi nata huwelela tixaniso tathu se awe u na hi engisa u txi hi hulukisa.

Masalmo 33:18

Mkoma ngene a xayisako ava va mthavako, avale va thembako wunene wakwe,

2 Makronika 6:5

Kukhukhela ditshiku dile ni nga thavisa vathu vangu ditikoni da Egipta, kha na sawula didhoropa ni da dimwedo ka totshe tihunzu ta ka Israyeli kasi kuaka nyumba, kasi ni veka kona ditina dangu. Futhi kha na sawula m'thu awu no thangela vathu vangu va Israyeli.

2 Makronika 6:40

Konkuwa, awe Txizimu txangu, hi wone u engisa mikombelo yathu yi hi mahako ka wukhalo wuwa,