2 Makronika 6:16 - Bhiblia Yo Sawuleka

¹⁶ Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.

2 Makronika 6:16 Referans Kwoze

1 Vafumeli 2:4

Kasiku, Mkoma a na tsanisa dipswi di a ngadi womba kwangu, a txi khene: “Ngako vanana vako va txi xayisa nzila yawe, ve tsimbila ngu kuthembeka masoni kwangu, ngu mbilu yawe yotshe ni muhefemulo wawe wotshe, kha ni khali kuwomba to ku na pwateka wo tsiveta ka Israyeli.”

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

2 Makronika 7:18

ngu kona ni no tsanisa txikhalo txako txa wukoma, madigano ni txitumelelano a txi ni nga maha ni tate wako Dhavhidha, ni txi khani: Khu na mbi pwata dijaha do fumela Israyeli.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

Masalmo 26:3

Lirando lako ni nalo masoni kwangu yotshe mbimo, ni hanya ngu kuthembeka masoni kwako.

1 Vafumeli 6:12

Kasi ngu mhaka ya nyumba yi u nga yi aka, u txi tsimbila ngu sileleto sangu, u txi maha wululamo wangu, ni kuveketa sirumo sangu, u tsimbila ka sona, ni na tsanisa ni nawe dipswi dangu, adi ni ngadi womba ka Dhavhidha, tate wako;

2 Makronika 6:17

Konkuwa awe Mkoma, Txizimu txa Israyeli, di na tatiseke dipswi dako adi u nga womba ka txithumi txako, tate wangu Dhavhidha.

Masalmo 119:9

Di na sikotisa kutxani dijaha kululamisa nzila ya wutomi wa dona kani? Ngu kuva di txi xayisa sileleto sako!

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

2 Makronika 7:17

Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, u maha totshe a ti ni nga kuruma tona, ni kuxayisa milayo yangu ni sileleto sangu,

2 Makronika 13:5

Kha mi tizivi ti to Mkoma Txizimu txa Israyeli txi ningite wukoma wa va ka Israyeli ka Dhavhidha ni ka vanana vakwe, ngu txitumelelano txa m'nyu kani?

2 Makronika 21:7

Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

2 Makronika 23:3

Se wotshe msengeletano wule wu to maha txitumelelano ni mfumeli Nyumbani ka Txizimu; se Joyadha a to khene kwawe: Wonani, mwanana wa mfumeli a na fuma, nga ha Mkoma a nga womba madingano ni vanana va Dhavhidha.