2 Makronika 6:13 - Bhiblia Yo Sawuleka

¹³ Nguko Solomoni ati mahile txikadha txa koporo, txi ku ni mtxhanu wa mikono ya kulapha ka txona, ni mtxhanu wa mikono ya kuanama, ni mikono yiraru ya kudemba, e txi veka hagari ka mtendela, se e kwela ka txona e khizama ngu mazolo masoni ka wotshe msengeletano wa Israyeli, e guleta mawoko akwe me komba nzumani.

2 Makronika 6:13 Referans Kwoze

1 Vafumeli 8:54

Ku to maheka ti to msana ka mkombelo wule a nga wu maha Solomoni ka Mkoma ni kudila, a di khizamile e guleta manza me komba nzumani, a to khukha masoni ka Mkoma,

Nehemiya 8:4

Se Ezra, mabhalani, a to ema txitimwi ka wurathu wa mapulango, va nga ti ti wu mahete mthumo wule. Hafuhi kwakwe ngu didhawa da txinene ku ti ti emile Matitiya, ni Xema, ni Anaya, ni Uriya, ni Hilikiya, ni Mahaseya; se ka didhawa da txibhabha ku ti ni Pedhaya, ni Mixayeli, ni Malikiya, Hasumi, ni Hasibhadhana, ni Zakariya, ni Mesulamu.

Masalmo 95:6

Ngonani anu hi ta khozela ni kunama! A hi khizameni masoni ka Mkoma awu a nga hi vanga,

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Mithumo 20:36

Ka mapswi awa, a to khizama e khongela kumweko navo votshe.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

2 Makronika 4:9

E maha diguma da vaphaxeli ni diguma dimwani da hombe ni matimba a dona, ema bhama ngu koporo.

1 Vafumeli 7:12

Se i ti diguma da hombe do ranganyeta da titxhatxha tiraru ta marigwi o vatelwa, ni titxhatxha ta mirwalo ya mikedhari; ni wona m'hubhe wa mndani ka Nyumba ya Mkoma ni m'hubhe wa nyumba yile.

1 Vafumeli 6:36

A to aka kambe diguma ngu mndani ngu marigwi o vatelwa a titxhatxha tiraru ni mirwalo ya mikedhari.

2 Makronika 6:12

Solomoni a to ema masoni ka txiluvelo txa Mkoma, ni masoni ka wotshe msengeletano wa ka Israyeli, se e guleta mawoko akwe.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.