2 Makronika 6:12 - Bhiblia Yo Sawuleka

¹² Solomoni a to ema masoni ka txiluvelo txa Mkoma, ni masoni ka wotshe msengeletano wa ka Israyeli, se e guleta mawoko akwe.

2 Makronika 6:12 Referans Kwoze

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Masalmo 143:6

Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

Jobe 11:13

Ngako awe u di lulamisete mbilu yako, nawuluta manza ako kwakwe;

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Masalmo 68:31

Ngu Egipta ku nata tinganakana; Vaetiyopiya va na guleta manza ve khongela ka Txizimu.

Masalmo 28:2

Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

2 Vafumeli 11:14

A to wona mfumeli wamphya hafuhi ni phande, nga tolovelo ya kona, ni vathangeli va yimbi, ni mipundu, hafuhi ni mfumeli, se votshe vathu va ditikoni va ti ti tsakile, ve veta mipundu; sekoko Ataliya a to vharula syambalo sakwe, a to kwangula a txi khene: Kuningelwa! Kuningelwa!

2 Makronika 6:11

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vanana va ka Israyeli.

2 Makronika 6:13

Nguko Solomoni ati mahile txikadha txa koporo, txi ku ni mtxhanu wa mikono ya kulapha ka txona, ni mtxhanu wa mikono ya kuanama, ni mikono yiraru ya kudemba, e txi veka hagari ka mtendela, se e kwela ka txona e khizama ngu mazolo masoni ka wotshe msengeletano wa Israyeli, e guleta mawoko akwe me komba nzumani.