2 Makronika 6:10 - Bhiblia Yo Sawuleka

¹⁰ Se Mkoma a to tsanisa dipswi dakwe dile a nga ti di wombile; nguko ni emile ka wukhalo wa tate wangu Dhavhidha, ni khalahatshile ka txikhalo txa wukoma txa ka Israyeli, nga ha a nga womba Mkoma; se ni akete nyumba ditina da Mkoma, Txizimu txa Israyeli.

2 Makronika 6:10 Referans Kwoze

Ekleziyaste 1:4

Liveleko la pinda, li txi ta limwani; aniko mafu ma zumba ngu ha ku si gwitiko.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

1 Makronika 29:23

Se Solomoni a to khalahatsha ha txikhaloni ka Mkoma, mfumeli ka wukhalo wa Dhavhidha, tate wakwe, se a to humelela; kambe votshe va ka Israyeli va to mu engisa.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Makronika 17:11

Se ku na maheka taku, mbimo yi masiku ako ma no tatiseka, o tsula ka vaveleki vako, ni na emisa ka liveleko lako, mmweyo ka vanana vako, ni tsanisa mfumo wakwe.

1 Vafumeli 2:12

Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

2 Makronika 6:9

Hambi keto, khu na mbi yi aka nyumba yiya, kambe mwanana wako, awu a no velekwa ngu ngawe, a na akela ditina dangu nyumba yiya.

2 Makronika 6:11

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vanana va ka Israyeli.

1 Makronika 22:11

Konkuwa koko, mwanangu, Mkoma a nave ni nawe, se pfala, u aka Nyumba ya Mkoma, Txizimu txako, nga tile ene a nga wombisa tona kwako.