2 Makronika 5:13 - Bhiblia Yo Sawuleka

¹³ Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

2 Makronika 5:13 Referans Kwoze

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

Isaya 52:8

Engisani huwa ya vawoneleli vako! Vona va guleta mapswi, ve embelela kumweko, nguko ngu maso awe va na muwona, mbimo yile Mkoma a no tshumelela Siyoni.

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

2 Makronika 20:21

Josafati a to pfana ni vathu vakwe, e veka mtxawa wa vaembeleli masoni ka dibutho dakwe da yimbi, ava va nga ti ti embelela ni kudhumisa Mkoma va txi kha vona: Dhumisani Mkoma nguko lirando lakwe li zumba ngu ha ku si gwitiko.

Varoma 15:6

kufela ku mi dhumisa ngu diganda Txizimu, atxi i ku Tate wa Mkoma wathu Jesu Kristu.

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 118:1

Bongani Mkoma nguko ene mbwa mnene, nguko lirando lakwe la simama kala kupinduka.

Eksodha 29:43

Ngu wonewo wukhalo ni no va ni txi ta manana ni vanana va ka Israyeli, se wu na va i di wukhalo wu wu no va wu txi sawulekiswa ngu wudhumo wangu.

1 Makronika 16:4

Se a to veka Valevhi vokari masoni ka dibhokiso da Mkoma, kuva ve thangela mthumo wa wukhongeli; kasi ku alakanya, ni kudhumisa, ni kukhozela Mkoma, Txizimu txa Israyeli.

2 Makronika 7:1

Mbimo yi Solomoni a nga heta kukhongela, ku to txhika mndilo ngu nzumani u hisa mningelo wo hiswa ni miphaxo; se wudhumo wa Mkoma wu to tata nyumba.

2 Makronika 7:2

Vaphaxeli ve tandeka ni kuwulela Nyumbani ka Mkoma, nguko wudhumo wa Mkoma u ti tatile Nyumba ya Mkoma.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

Masalmo 22:4

Awe va ku thembile vatate vathu; va ku thembile, se awe u va hulukisile.

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.

Masalmo 150:3

M'dhumiseni ngu mpfumawulo wa mpundu; mu dhumiseni ngu tiharipa ni timbila!

Masalmo 150:5

M'dhumiseni ngu kuveta sikhitsi so tuma; m'dhumiseni ngu kuveta sikhitsi so tuma ngutu!