2 Makronika 5:12 - Bhiblia Yo Sawuleka

¹² ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.

2 Makronika 5:12 Referans Kwoze

1 Makronika 15:24

Se Sebhaniya, ni Josafa, ni Netaneli, ni Amasayi, ni Zakariya, ni Bhenaya, ni Eliyezeri, vaphaxeli, va ti veta mipundu masoni ka dibhokiso da Txizimu; se Obhedhi-Edhomi ni Jeya, i ti vawoneleli va txike txa dibhokiso.

Masalmo 68:25

Vaembeleli va thangela masoni ni vaveti va sivetaveta msana; hagari ka vona ku ni mahorana, ma vetako singomana.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.

1 Makronika 6:39

Se Asafe mwanawe a ti ti ngu didhawa da txinene; Asafe i ti mwana Bherekiya, mwana Simeya,

1 Makronika 6:33

Avava koko, ngu va va nga ti ti kumweko ni vanana vawe; ka vanana va ka Kohati, Hemani, muembeleli, mwana Joweli, mwana Samuwele,

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 15:6

Se ku txi huma mndani ka dona mtxhanu wa tingelozi ni timbidi ti nga ti ni mtxhanu wa mitungu ni yimbidi. Ti ti ambate tinguwo ta linya ya lisima, yo khetima, ti di sungile tibhande ta nzalama ha khana ka tona.

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

Masalmo 92:3

ngu kuveta mbila ya digumi da makhokhoma ni haripa, ni kuembelela ngu txitende.

Masalmo 88:1

Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Masalmo 62:1

Moya wangu wu themba Txizimu dwe; kuhanyiswa kwangu kuta ngu ka txona.

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

1 Makronika 23:30

ni ku va fanela kuema kasi kubonga, ni kudhumisa Mkoma otshe masiku, mixo ni mitshikari;

1 Makronika 15:27

Se Dhavhidha a ti ambate syambalo sa linyu yo hehuka, kumweko ni votshe Valevhi, vale va nga ti rwate dibhokiso, ni vaembeleli, ni Kenaniya, mthangeli wa vale va nga ti rwate dibhokiso ni vaembeleli; Dhavhidha a ti ni efodhe ya linyu.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

2 Makronika 29:26

Valevhi va ti ti emile va di ni sivetaveta sa Dhavhidha, se vaphaxeli va ti ti ni mipundu.