2 Makronika 5:10 - Bhiblia Yo Sawuleka

¹⁰ Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si veka a di Horebhi mbimo yile Mkoma nga maha txitumelelano ni vanana va ka Israyeli, va nga txi huma ngu Egipta.

2 Makronika 5:10 Referans Kwoze

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

2 Makronika 6:11

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vanana va ka Israyeli.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

Eksodha 34:1

Sekoko Mkoma a wombile kambe ka Mosi a txi khene: “Vata sileti simbidi sa marigwi sa kufana ni so khata, kasiku ani ni bhala kambe mapswi ale ni nga ti bhate ka sileti so khata, asile u nga faya.

Eksodha 32:19

Mbimo yi a nga va a di hokile ha wugoveloni, a txi wona dirole ni kusinya ka vathu, Mosi a to tala ngu txiviti, a to tshotsha sileti si si nga ti manzani kwakwe a txi si faya hafuhi ka mmango.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.