2 Makronika 4:19 - Bhiblia Yo Sawuleka

¹⁹ Kambe Solomoni a to mahetela sotshe siya si si nga txi laveka Nyumbani ka Mkoma: Txiluvelo txa nzalama, ni meza ya nzalama yo veka ka yona mapawu o mbi tshumbelwa;

2 Makronika 4:19 Referans Kwoze

Mtuletelo 9:13

Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu.

Mtuletelo 8:3

Yi to ta yi ta ema yimwani ngelozi hafuhi ni txiluvelo, yi di ni txiya txa txiwungelo txa nzalama. Se va to yi ninga dibaselo da dingi kasiku yi di pata ni mikombelo ya votshe vasawuleki, txitimwi ka txiluvelo txa nzalama, txi ku masoni ka txikhalo txa wukoma.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

2 Makronika 4:8

A to maha kambe digumi da timeza, e ti veka dithepelani, mtxhanu ka didhawa da txinene, mtxhanu ka didhawa da txibhabha; ni dizana da mikamba ya nzalama.

1 Makronika 28:16

a to mninga kambe kunemela ka nzalama kasi kumaha timeza ta mapawu a mphaxo, ni silivhela, ka timeza ta silivhela;

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Matewu 12:4

Ti to ene a wulelisite kutxani nyumbani ka Txizimu, e dya mapawu a mphaxo, aawa ma nga ti si faneli kudyiwa ngu ngene ni va a nga ti navo, kambe ma ti fanela kudyiwa ngu vaphaxeli vokha, kani?

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.