2 Makronika 36:1 - Bhiblia Yo Sawuleka

¹ Sekoko vathu va ditikoni va to teka Jowakazi, mwana Josiya va txi maha mfumeli ka wukhalo wa tate wakwe kona Jerusalema.

2 Makronika 36:1 Referans Kwoze

Jeremiya 22:11

Nguko Mkoma a womba tiya xungetano ngu Salumi, mwana Josiya, mfumeli wa ka Judha, awu a nga fuma wukhaloni ka tate wakwe, a nga khukha ka wuwa wukhalo, a txi khene: “Ene kha na mbi ngadi e wuya kambe hawa.”

2 Makronika 33:25

Sekoko vathu va ditiko va to dayela votshe vale va nga langana kuwukela mfumeli Amoni, se vathu va ditiko ve fumisa Josiya mwanana wakwe, ka wukhalo wakwe.

2 Makronika 26:1

Se votshe vathu va ka Judha va to teka Uziya, a nga ti ti ni digumi da malembe ni mtxhanu ni dimwedo, va to mfumisa wukhaloni ka tate wakwe Amaziya.

1 Makronika 3:15

Vanana va Josiya ngu vava: Matiwula i Jowanani, wa wumbidi i Jeyowakimi, wa wuraru i Zedhekiya; wa wumune i Salumi.

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

2 Makronika 35:27

ni mithumo yakwe yo khata ni yo gwita, yi bhatwe amu ka dibhuku da matimu a vafumeli va Israyeli ni va Judha.

2 Makronika 36:2

Jowakazi a khatile kufuma a di ni tanga ya magumi mambidi a malembe ni mararu, se a to fuma mitxima yiraru kona Jerusalema.

2 Vafumeli 24:1

Ka masiku a Jehoyakimi, ku to humelela Nabhukodhonozori, mfumeli wa Bhabhilona, e xoma yimbi yo wukela Jehoyakimu e mmaha khumbi yakwe mndani ka malembe mararu; msana keto a to phemberuka e m'wukela.

Ezekhiyele 19:3

Kambe yi kulisile tximwetxo ka vanana va yona, a txi maha txingonyamwana, txi gondelako kuxota, se txi kakatxute vathu.