2 Makronika 34:4 - Bhiblia Yo Sawuleka

⁴ Va to khundumusela siluvelo sa bhahali, masoni kwakwe; va txi wilela ni sithombe sa ditambo asi si nga ti ti txitimwi kwawe, ni tiphande, ni sithombe so vatwa ni so wumbwa, ve si tshinda si maha mpupu a txi wu xwayela mathithani ka vale va nga ti ti si khozela.

2 Makronika 34:4 Referans Kwoze

Eksodha 32:20

Ngu msana a to teka dirole dile va nga ti di mahile, e di hisa a txi di kuya di txi maha lifenyenye a txi li wavalasa matini. Se e ninga vanana va ka Israyeli mati a kona va txi sela.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Masalmo 18:42

Ni na va kuya ve fana ni lithulu li huhiswako ngu diphuho, nava kandetela nga madhaka a hanzila.

2 Makronika 34:7

A to khundumusela siluvelo a txi wilela ni tiphande ni sithombe so vatwa, kala kuza si txi maha lithulu, atxi wilela sotshe sithombe sa ditambo ka ditiko dotshe da ka Israyeli sekoko, e tshumelela Jerusalema.

2 Makronika 33:3

Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela.

2 Makronika 14:5

Kambe a to thavisa siluvelo ni sifananiso sa ditambo, ka otshe madhoropa a ka Judha; se mfumo wa kona wu to mana kuthutha.

Dhewuteronome 9:21

Kambe ni tekile txionho txanu, i ku dirole di mi nga ti di wumbile, ni txi di hisa ngu mndilo, kambe ni txi di rukuta, ni txi di kuya khakwati, kala kuza di txi maha mpupu; se mpupu wa kona ni wu xwayile ka txinambwana, txile txi nga ti relela ngu mmangoni.

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Dhewuteronome 7:5

Ngu tiya mi fanelako ku va mahela, kukhundumusa siluvelo sawe, mi txi fayetela marigwi awe a wukhongeli, mi wilela tiphande tawe, ni kuhisa sithombe sa Aseri.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

2 Makronika 33:22

Se a to maha wubihi masoni ka Mkoma, ku nga tile a nga ti ti mahile Manasi, tate wakwe, nguko Amoni a to phaxa mhamba ka sotshe sithombe so vatwa asile Manasi, tate wakwe, a nga ti ti si mahile e si khozela.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?

1 Vafumeli 13:2

Se a to ruketela txiluvelo ngu dipswi da Mkoma, a txi khene: Awe txiluvelo! Awe txiluvelo! Mkoma a womba tiya: Wona ti to ku na velekwa dizambi ka nyumba ya Dhavhidha, ditina dakwe i nava Josiya, awule a no ningela kwako vaphaxeli va wukholo ko guleka avale va hisako dibaselo, ni marambu a vathu ma hiswa txitimwi kwako.

2 Makronika 30:14

Va to khukha va thavisela siluvelo asi si nga ti ti Jerusalema, ve thavisa ni totshe tikhadi to hisela ka tona dibaselo, veya si tshotsha mlongani ka kedroni.

2 Makronika 31:1

Msana ka kuva va di gwitile kumaha Pasika, votshe va ka Israyeli va to khukha veya ka madhoropa a va ka Judha va txiya fayetela marigwi awe a wukhongeli va txi wilela ni tiphande tawe, va khundumusela ni makhalo awe o guleka ni siluvelo ka ditiko dotshe da va ka Judha ni da va ka Bhenjamini, ni da va ka Efrayime ni da va ka Manasi, kala kuza va txi heta sotshe. Se votshe vanana va ka Israyeli va ta tshumelela madhoropani kwawe.

2 Makronika 34:33

Se Josiya a to thavisela sotshe so nyenyeza sa matiko otshe a vanana va Israyeli e maha ti to votshe va va ku ditikoni ka Israyeli ve khozela Mkoma, Txizimu txawe; ka masiku otshe a kuhanya kwakwe, va Israyeli kha va leka Mkoma, Txizimu txa vatate vawe.